ახალი საერთაშორისო აკადემიური გამოცემა - Mass Communication in the Digital Era

საერთაშორისო აკადემიურმა გამომცემლობამ Brill | V&R unipress-მა გამოსცა ახალი აკადემიური კრებული Mass Communication in the Digital Era, რომელიც კავკასიის საერთაშორისო უნივერსიტეტისა და გდანსკის უნივერსიტეტის (University of Gdańsk) მკვლევართა თანამშრომლობის შედეგია და თანამედროვე ციფრულ ეპოქაში მასობრივი კომუნიკაციის ტრანსფორმაციას ეძღვნება.
გამოცემაში წარმოდგენილია 15 კვლევა, რომლებიც მოიცავს ციფრული მედიისა და პლატფორმების განვითარებას, მულტიმოდალურ კომუნიკაციას, სტრიმინგის პლატფორმებს, ხელოვნური ინტელექტის როლს ჟურნალისტიკისა და საინფორმაციო დღის წესრიგის ფორმირებაში, სოციალური მედიისა და აუდიტორიების ცვლილებას, ვიზუალურ კომუნიკაციასა და საზოგადოებრივი მაუწყებლობის ტრანსფორმაციას.
კრებულის მნიშვნელოვანი ნაწილი ეთმობა მედიის როლს თანამედროვე პოლიტიკურ და სოციალურ პროცესებში - საინფორმაციო ომს, დეზინფორმაციას, ციფრულ მანიპულაციას, ომის ნარატივებსა და საზოგადოებრივი აზრის ფორმირებას. გამოცემაში ასევე განხილულია ციფრული მედიის შესაძლებლობები კულტურული ცოდნის ხელმისაწვდომობის, კულტურული მემკვიდრეობისა და ინტერკულტურული დიალოგის ხელშეწყობის მიმართულებით.
კრებულის რედაქტორები არიან ტატიანა კანანოვიჩი და სესილი გოგიბერიძე.
ავტორები:
კრებულში წარმოდგენილია ტატიანა კანანოვიჩის, ჟანა სლადკიევიჩის, ზაზა ცოტნიაშვილის, ალექსანდრა კლიმკიევიჩის, მარტინ ტრენდოვიჩის, რუსუდან კვარაცხელიას, ციცინო ბუკიას, ნანა ამირანაშვილის, ლიკა ზამბახიძის, ნინო ჭალაგანიძის, ივონა საკოვიჩ-ტებინკას, ბიანკა სადოვსკას, მარტა ნოინსკას, ვახტანგ მაისაიას, ალიკა გუჩუას, ნინო მინდიაშვილის, ეკატერინა ჭალაგანიძის, ადრიან ლანკიევიჩის, დათო ტაბატაძის, ეკა ბერაიას, ხათუნა კაჭარავას და ეკა თხილავას კვლევები.
გამოცემის განხორციელება შესაძლებელი გახდა კავკასიის საერთაშორისო უნივერსიტეტისა და გდანსკის უნივერსიტეტის თანადაფინანსებით.
📖 კრებული ღია წვდომით (Open Access) არის ხელმისაწვდომი.
📑 სრულ კრებულსა და სარჩევზე გადასვლა
Mass Communication in the Digital Era — სრული გამოცემა და Contents
სხვა სიახლეები
ოქტომბერი 15, 2026
10:16 AM
Erasmus+ პრაქტიკის პროგრამა ვროცლავის სამედიცინო უნივერსიტეტში (პოლონეთი)
კავკასიის საერთაშორისო უნივერსიტეტი აცხადებს მიღებას Erasmus+ პრაქტიკის პროგრამაზე პარტნიორ ვროცლავის სამედიცინო უნივერსიტეტში (Wrocław Medical University).
ოქტომბერი 13, 2026
04:01 PM
CIU-ს წარმომადგენელმა Erasmus+ კვირეულში მიიღო მონაწილეობა
კავკასიის საერთაშორისო უნივერსიტეტის საერთაშორისო ურთიერთობების დეპარტამენტის ხელმძღვანელმა სვეტლანა კირაკოსიანმა ესპანეთში, ბურგოსის უნივერსიტეტის მიერ ორგანიზებულ XI საერთაშორისო Erasmus+ კვირეულში მიიღო მონაწილეობა.
ოქტომბერი 13, 2026
03:57 PM
უნეტარეს როსტისლავის ვიზიტი კავკასიის საერთაშორისო უნივერსიტეტში
13 ოქტომბერს, საქართველოში ქრისტიანობის სახელმწიფო რელიგიად გამოცხადების 1700 წლისთავისადმი მიძღვნილი საუნივერსიტეტო ღონისძიებების ფარგლებში, კავკასიის საერთაშორისო უნივერსიტეტმა (CIU) მაღალი რანგის სასულიერო დელეგაციას უმასპინძლა. უნივერსიტეტს ეწვია პრეშოვის მთავარეპისკოპოსი, ჩეხეთის მიწებისა და სლოვაკეთის მიტროპოლიტი, უნეტარესი როსტისლავი.