logo
  • logo
    • home/საერთაშორისო ურთიერთობები/Erasmus+/K1: ინდივიდების სასწავლო მობილობა

    K1: ინდივიდების სასწავლო მობილობა

    გაცვლითი პროგრამა უმაღლესი საგანმანათლებლო დაწესებულების სტუდენტებისთვის და აკადემიური/ადმინისტრაციული პერსონალისთვის. გაცვლითი პროგრამები ხორციელდება საქართველოს (არაასოცირებული/პარტნიორი ქვეყანა*) და ევროპის (ასოცირებული/პროგრამის ქვეყნები*) უნივერსიტეტებს შორის გაფორმებული ინსტიტუციათაშორისი ხელშეკრულების ფარგლებში.

    მობილობის მიმართულებები და რაოდენობები დამოკიდებულია უნივერსიტეტებს შორის არსებულ შეთანხმებაზე.

    თითოეულ მობილობის/გაცვლით პროგრამაზე კონკურსის გამოცხადება ხდება ცალ-ცალკე. კონკურსების შესახებ ინფორმაცია ვრცელდება უნივერსიტეტის კორპორატიული ელექტრონული ფოსტის, საიტის, სოციალური მედიის გვერდების მეშვეობით.

    განაცხადის გაგზავნის ბოლო ვადის დასრულების შემდეგ ხდება კანდიდატების შეფასება სპეციალურად შექმნილი კომისიის მიერ, რომელიც ეცნობა აპლიკაციებს და გასაუბრებას ატარებს კონკურსანტებთან.

    * Erasmus+ პროგრამა მონაწილე ქვეყნებს ჰყოფს ორ ჯგუფად: ასოცირებული წევრები/პროგრამის ქვეყნები (27 ევროკავშირის წევრი ქვეყანა + თურქეთი, ნორვეგია, ისლანდია, ლიხტენშტეინი, მაკედონია და სერბეთი) და არაასოცირებული წევრები/პარტნიორი ქვეყნები (დანარჩენი მსოფლიო მათ შორის საქართველო).

    მობილობის ფარგლებში სრულად ანაზღაურებადია სწავლისა და მგზავრობის (საქართველო - ასოცირებული/პროგრამის ქვეყანა - საქართველო) ხარჯები. სტუდენტებს ასევე გადაეცემათ ყოველთვიური სტიპენდია 800-900 ევრომდე ევროპული (ასოცირებული/პროგრამის) ქვეყნის სიძვირის მიხედვით. ხოლო საქართველოში ჩამომსვლელი სტუდენტებისთვის სტიპენდია შეადგენს 700 ევროს თვეში.

    მოკლევადიანი ფიზიკური მობილობის შემთხვევაში გაიცემა დღიური სტიპენდია: 14 დღემდე მობილობის შემთხვევაში დღიური ანაზღაურება 70 €; 15 დან 30 დღემდე მობილობის შემთხვევაში დღიური ანაზღაურება 50 €.

    სტუდენტთა გაცვლით/მობილობის პროგრამაში მონაწილეობის წინაპირობებია:

    აპლიკაციის წარდგენის მომენტისთვის სტუდენტი უნდა იყოს დარეგისტრირებული კავკასიის საერთაშორისო უნივერსტიეტში და უნდა იყოს ჩართული სასწავლო პროცესში (ე.ი. უნდა ჰქონდეს „აქტიური“ სტუდენტის სტატუსი;
    შესაბამისი უცხო ენის კომპეტენცია მინიმუმ B1 დონეზე;
    მინიმალური GPA - 1.5

    სტუდენტთა გაცვლითი/მობილობის პროგრამის აპლიკანტთა აპლიკაციების და გასაუბრების შედეგების შეჯამება და კონკურსანტების შეფასება ხდება შემდეგი კრიტერიუმების მიხედვით, თუ შეფასების სხვა კრიტერიუმები არ არის შეთანხმებული პარტნიორ უნივერსიტეტებს შორის:

    №კრიტერიუმებიმაქსიმალური ქულა
    1აკადემიური მოსწრება (GPA)4
    2ენობრივი კომპეტენცია 4
    3მოტივაცია2

    კონკურსის შემთხვევაში უპირატესობა ენიჭება სტუდენტს, რომელიც დააგროვებს ყველაზე მეტ ქულას. თანაბარი ქულების შემთხვევაში, უპირატესობა ენიჭება სტუდენტს, რომელსაც ჯერ არ მიუღია მონაწილეობა გაცვლით/მობილობის პროგრამაში, ან არის მოწყვლადი ჯგუფის წარმომადგენელი (სოციალურად დაუცველი, დევნილი, სსმ პირი და ა.შ.).

    გამგზავრებამდე, სტუდენტმა უნდა შეავსოს შემდეგი დოკუმენტაცია:

    საგრანტო ხელშეკრულება, გათვლილი მობილობის სრულ პერიოდზე, ხელმოწერილი სტუდენტისა და ასოცირებულ/პროგრამის უმაღლესი საგანმანათლებლო დაწესებულების მიერ.
    სასწავლო ხელშეკრულება (Learning agreement) – წინასწარ განსაზღვრული სასწავლო პროგრამით, დამოწმებული სტუდენტის, გამგზავნი და მიმღები უმაღლესი სასწავლებლების მიერ.
    Erasmus + სტუდენტური ქარტია (Erasmus+ Student Charter) – რომელშიც მოცემულია სტუდენტის უფლებები და მოვალეობები მისი მობილობის პერიოდისთვის.
    მიმღები უნივერსიტეტის მიერ მოთხოვნილი სხვა დოკუმენტები (ასეთის არსებობის შემთხვევაში).

    მობილობის პერიოდის დასრულებისას:

    მიმღებმა უნივერსიტეტმა უნდა მიაწოდოს სტუდენტს და გამგზავნი უნივერსიტეტს ე.წ. ნიშნების ფურცლით, დასტურად იმისა, რომ სტუდენტის მობილობის პროგრამა დასრულებულია შეთანხმებისამებრ დაგეგმილი შედეგებით.

    გამგზავნმა უნივერსიტეტმა უნდა აღიაროს შესაბამისი დასრულებული სასწავლო შედეგები, რომლებიც მიღებული იქნა სტუდენტის მიერ მობილობის პერიოდში (სასწავლო ხელშეკრულების მიხედვით, შესაბამისი სისტემის გამოყენებით). კავკასიის საერთაშირისო უნივერსიტეტის შემთხვევაში - „მობილობის, შიდა მობილობისა და კრედიტების აღიარების წესი კავკასიის საერთაშორისო უნივერსიტეტში“. მობილობის პერიოდი ასევე უნდა აისახოს/ჩაიწეროს დიპლომის დანართში.