კავკასიის საერთაშორისო უნივერსიტეტს თავისი წვლილი შეაქვს მევენახეობა-მეღვინეობის 8 000 წლიანი საქმის განვითარებაში.
უნივერსიტეტის მევენახეობა-მერვინეობის ფაკულტეტის საბაკალავრო და სამაგისტრო პროგრამას ემსახურება ქართული ქვევრებით აღჭურვილი მარანი, ქართული ვაზის გენოფონდის მდიდარი საკოლექციო ნაკვეთი 100-ზე მეტი ჯიშით, მდიდარი ენოთეკა, ქართული მარანი „კოლხი“, მიკროვინიფიკაციის კვლევითი ლაბორატორია, ენოქიმიის, მევენახეობისა და მიკრობიოლოგიის თანამედროვე ტექნიკით აღჭურვილი ლაბორატორიები, კომპანია „ეთნოოკამი“, რომლის დაფუძნების წინაპირობად იქცა სწორედ კავკასიის საერთაშორისო უნივერსიტეტის მევენახეობა-მეღვინეობის ბაზაზე დამზადებული გამორჩეული ღვინოები.
დღეისათვის კომპანია ავითარებს 10 ჰექტრამდე მევენახეობას და დაახლოებით იმავე ფართობის ტერიტორიაზე ისტორიულ ,,ოკამის საწარმოს“, რომელთა უცვლელი მხარდამჭერი კავკასიის საერთაშორისო უნივერსიტეტის ბაზაზე არსებული მევენახეობა-მეღვინეობის ფაკულტეტია თავისი უნიკალური ინფრასტრუქტურით.
ოკამის მიკროზონის გეოგრაფიული მდებარეობა, კლიმატი, ნიადაგი კიდევ ერთხელ აჩვენებს, რომ ვენახია საქართველოსთვის „პურიცა“ და „კარიც“, საიდანაც ერთგვარად შემოდის ცივილიზაცია და გადის კიდეც... ეს თავისებური მსოფლიო წრებრუნვაა და ამას ამტკიცებს „ეთნო ოკამის“ 5 ძირითადი პროდუქციაც - ხაშმის საფერავი, რქაწითელი, შავკაპიტო, თავკვერი, გორული მწვანე და ჩინურის სეპაჟი.
