ტრენინგი CIU-ს დოქტორანტების სამეცნიერო ხელმძღვანელებისთვის

კავკასიის საერთაშორისო უნივერსიტეტის დოქტორანტურის სამსახურის ინიციატივით ჩატარდა ტრენინგი CIU-ს დოქტორანტების სამეცნიერო ხელმძღვანელებისთვის.

ტრენინგს უძღვებოდა ფილოლოგიის დოქტორი და CIU-ის დოქტორანტურის სამსახურის უფროსი ნინო მინდიაშვილი, რომელმაც მსმენელს დეტალურად გააცნო სამეცნიერო ნაშრომის სტრუქტურის ძირითადი მახასიათებლები.

შეხვედრაზე ყურადღება გამახვილდა სადოქტორო საფეხურის ახალ სტანდარტზე, რომლის ფარგლებშიც განხილული იქნა: სადოქტორო საგანმანათლებლო პროგრამებზე განახლებული დაშვების წინაპირობებები, დისერტაციის დაცვაზე დაშვების წინაპირობები, დოქტორანტის სამეცნიერო ხელმძღვანელის საკვალიფიკაციო მოთხოვნები, ნაშრომის რეცენზირების პროცესი, დოქტორანტების და ხელმძღვანელების თანაფარდობა და სხვა მნიშვნელოვანი საკითხები.

შეხვედრის დასასრულს კითხვა - პასუხის რეჟიმში, განხილულ იქნა გზამკვლევი, რომელიც შემუშავებულ იქნა დოქტორანტურის სამსახურის ინიციატივით.