შეხვედრა თემაზე - „ანტინარკოტიკული კამპანია“

26 მარტს კავკასიის საერთაშორისო უნივერსიტეტში „საზოგადოებრივი პროკურატურის“ პროექტის ფარგლებში გაიმართა საინფორმაციო შეხვედრა თემაზე - „ანტინარკოტიკული კამპანია“.

საინფორმაციო შეხვედრის დაწყებამდე სტუდენტებს სიტყვით მიმართა კავკასიის საერთაშორისო უნივერსიტეტის რექტორმა, კახაბერ კორძაიამ და აღნიშნული პროექტის მნიშვნელობაზე ისაუბრა.

შეხვედრას უძღვებოდნენ თბილისის გლდანი-ნაძალადევის რაიონული პროკურატურის პროკურორი ლუკა გამყრელიძე და გლდანი-ნაძალადევის რაიონული პროკურორის მოადგილე დავით ხვედელიძე.

სპიკერებმა სტუდენტებს დეტალური ინფორმაცია მიაწოდეს ნარკოტიკული საშუალებების მოხმარების გამომწვევ მიზეზებზე და ყურადღება გაამახვილეს იმ მძიმე შედეგებზე, რომლებიც ნარკოტიკის მოხმარებას მოსდევს. 

ღონისძიების ფარგლებში, ასევე საუბარი შეეხო ნარკოტიკული დანაშაულის არსს და იმ სამართლებრივ პასუხისმგებლობას და სასჯელებს, რომლებიც ამ ტიპის დანაშაულზეა გათვალისწინებული. 

შეხვედრა ინტერაქტიულ ფორმატში ჩატარდა, სტუდენტებს შესაძლებლობა ჰქონდათ დაესვათ შეკითხვები და მიეღოთ ინფორმაცია მათთვის საინტერესო სამართლებრივ საკითხებზე.