სალომე ლიპარტელიანს ბიზნესის ადმინისტრირების დოქტორის ხარისხი მიენიჭა

12  ოქტომბერს, კავკასიის საერთაშორისო უნივერსიტეტის ნიკო ნიკოლაძის სახელობის საკონფერენციო დარბაზში გაიმართა ბიზნესის ადმინისტრირების სადოქტორო პროგრამის დოქტორანტ სალომე ლიპარტელიანის  დისერტაციის  საჯარო დაცვა თემაზე: „რეგულირების გავლენა საქართველოს სადაზღვევო სექტორის ფინანსური ზრდის პერსპექტივაზე“.

სამეცნიერო ხელმძღვანელი: გიორგი აბაშიშვილი - ბიზნესის ადმინისტრირების დოქტორი, ალტე უნივერსიტეტის პროფესორი; რეცენზენტები: ნათია კახნიაშვილი - ბიზნესის ადმინისტრირების დოქტორი, ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტის ასისტენტ პროფესორი; ხათუნა ხარხელაური - ბიზნესის ადმინისტრირების დოქტორი, საქართველოს ტექნიკური უნივერსიტეტის ბიზნესტექნოლოგიების ფაკულტეტის ასოცირებული პროფესორი.

ნაშრომის წარდგენისა და შესაბამისი პროცედურების გავლის შემდეგ, სადისერტაციო საბჭოს გადაწყვეტილებით, სალომე ლიპარტელიანს ბიზნესის ადმინისტრირების დოქტორის აკადემიური ხარისხი მიენიჭა.