პროფესორ გიორგი ფარეშიშვილის მოხსენება იაპონიის სამეცნიერო კონფერენციაზე

კავკასიის საერთაშორისო უნივერსიტეტის რექტორის მრჩეველმა, პოლიტიკის მეცნიერების დოქტორმა და ასოცირებულმა პროფესორმა გიორგი ფარეშიშვილმა მონაწილეობა მიიღო იაპონიაში, კიოტოს რიუკოკუს უნივერსიტეტში გამართულ გეოპოლიტიკისა და საერთაშორისო ურთიერთობებისადმი მიძღვნილ მასშტაბურ სამეცნიერო კონფერენციაში - JAGR 2026. ღონისძიება, რომელიც 19-20 სექტემბერს ჩატარდა, რიუკოკუს უნივერსიტეტისა და Japan Association for Geopolitical Research-ის ორგანიზებით მოეწყო და მას მსოფლიოს ყველა კონტინენტიდან ესწრებოდნენ მეცნიერები.

კონფერენციაზე გიორგი ფარეშიშვილი წარდგა მოხსენებით: „კონფლიქტები სამხრეთ კავკასიაში და რელიგიების როლი მშვიდობის პროცესების ხელშეწყობაში: საქართველო, როგორც ტოლერანტობის მოდელი“.

ვიზიტის ფარგლებში მან ასევე გამართა სამუშაო შეხვედრები რიუკოკუს უნივერსიტეტის საერთაშორისო ურთიერთობების ფაკულტეტის დეკანთან, პროფესორებთან და საორგანიზაციო კომიტეტის თავმჯდომარესთან, პროფესორ ჯულიან ტაკეტანისთან, სადაც მხარეებმა სამომავლო თანამშრომლობისა და პარტნიორული ურთიერთობების გაღრმავების პერსპექტივები განიხილეს.