CIU-ში პროფესიული გადამზადების ახალი პროგრამა „ნულოვანი ემისიის მართვა სოფლის მეურნეობაში“ ინერგება
11 თებერვალს, კავკასიის საერთაშორისო უნივერსიტეტის მევენახეობა-მეღვინეობის ფაკულტეტის კამპუსმა მნიშვნელოვან სამუშაო შეხვედრას უმასპინძლა. უნივერსიტეტს სტუმრად World Vision-ისა და საქართველოს ფერმერთა ასოციაციის წარმომადგენლები ეწვივნენ. ვიზიტი მიზნად ისახავდა უნივერსიტეტის პროფესიული განათლების ცენტრის ბაზაზე ახალი, ინოვაციური პროგრამების განხორციელების შესაძლებლობების განხილვას.
აღსანიშნავია, რომ აღნიშნული თანამშრომლობა 2025 წელს კავკასიის საერთაშორისო უნივერსიტეტსა და საქართველოს ფერმერთა ასოციაციას შორის გაფორმებულ მემორანდუმს ეფუძნება. პარტნიორობა ხორციელდება მასშტაბური პროექტის - „მდგრადი და მწვანე ბიზნეს პრაქტიკების განვითარება საქართველოში“ - ფარგლებში, რომელიც ევროკავშირისა და ავსტრიის განვითარების სააგენტოს ფინანსური მხარდაჭერით ხორციელდება. პროექტის მთავარი ამოცანაა, ხელი შეუწყოს ქვეყანაში „მწვანე უნარების“ დანერგვასა და ეკოლოგიურად მდგრადი ბიზნესმოდელების განვითარებას.
ამ საერთო მიზნის მისაღწევად, მხარეები აქტიურად მუშაობენ ახალი პროფესიული გადამზადების პროგრამის - „ნულოვანი ემისიის მართვა სოფლის მეურნეობაში“ - შექმნაზე. უნივერსიტეტისთვის აღნიშნული თანამშრომლობა მნიშვნელოვანია პროგრამის შემუშავების, მისი განხორციელების უფლების მოპოვებისა და პრაქტიკული დანერგვის ეტაპებზე.
სამუშაო შეხვედრაში კავკასიის საერთაშორისო უნივერსიტეტის ადმინისტრაციულ/აკადემიურ პერსონალთან ერთად მონაწილეობდნენ World Vision-ის საქართველოსა და ავსტრიის ოფისების წარმომადგენლები - თამარ კიკვაძე და ჯულიანე ვოლი, ასევე, საქართველოს ფერმერთა ასოციაციის პროფესიული განათლების დეპარტამენტის ხელმძღვანელი ნიკოლოზ მესხიშვილი.
სხვა სიახლეები
ნოემბერი 19, 2026
02:33 PM
კომპანია GOGEX-ის წარმომადგენლებთან შეხვედრა ტურიზმის ლაბორატორიაში
ტურიზმის საბაკალავრო პროგრამის განმახორციელებელი ლექტორის, ასოცირებული პროფესორის, ლალი ოქროცვარიძის ორგანიზებით, სასწავლო კურსის „ტურიზმისა და მასპინძლობის მენეჯმენტი“ ფარგლებში, ტურიზმის ლაბორატორიაში მეოთხე კურსის სტუდენტებთან გაიმართა შეხვედრა სატრანსპორტო კომპანია GOGEX-ის ხელმძღვანელ გოგა გოგავასა და მარკეტინგის მენეჯერ ნათია გუგბერიძესთან.
ნოემბერი 19, 2026
02:26 PM
გიორგი გოგოხიას მასობრივი კომუნიკაციის დოქტორის აკადემიური ხარისხი მიენიჭა
18 ნოემბერს კავკასიის საერთაშორისო უნივერსიტეტის მულტიმედია ცენტრის პანორამაში გაიმართა მასობრივი კომუნიკაციის სადოქტორო პროგრამის დოქტორანტ გიორგი გოგოხიას დისერტაციის დაცვა თემაზე: „მედია და თანამედროვე საარჩევნო სისტემები“.
ნოემბერი 19, 2026
12:30 PM
CIU საერთაშორისო საგანმანათლებლო ფორუმზე - „Going Global 2026“
17-19 ნოემბერს, British Council-ის ორგანიზებით, სტამბოლში საერთაშორისო საგანმანათლებლო ფორუმი - „Going Global 2026 - Future-ready tertiary education“ - გაიმართა, სადაც უნივერსიტეტის რექტორმა კახაბერ კორძაიამ და ვიცე-რექტორმა თამარ ინასარიძემ მიიღეს მონაწილეობა.




