მე-13 საერთაშორისო სამეცნიერო კონფერენცია

მე-13 საერთაშორისო სამეცნიერო კონფერენცია 

14 ივნისს კავკასიის საერთაშორისო უნივერსიტეტში ბაკალავრიატის, მაგისტრატურისა და დოქტორანტურის სტუდენტთა მე-13 საერთაშორისო სამეცნიერო კონფერენცია გაიმართა. 

კონფერენცია კავკასიის საერთაშორისო უნივერსიტეტის რექტორმა კახაბერ კორძაიამ გახსნა. აუდიტორიას მიესალმნენ: დოქტორანტურის სამსახურის უფროსი, კონფერენციის საორგანიზაციო კომიტეტის თავმჯდომარე ნინო მინდიაშვილი და სამეცნიერო კვლევების დეპარტამენტის უფროსი, კონფერენციის სამეცნიერო საბჭოს თავმჯდომარე სესილი გოგიბერიძე. 

კონფერენციაზე მუშაობდა 8 სექცია, რომელიც 16 ქვესექციაში გადანაწილდა. აღნიშნული სექციებია: ბიზნესი და ტექნოლოგიები; მედიცინა; მევენახეობა-მეღვინეობა; ჟურნალისტიკა; ინგლისური ენა და ლიტერატურა; საერთაშორისო ურთიერთობები; სამართალი. 

ტრადიციისამებრ, წელსაც კონფერენციის მუშაობაში ჩაერთო მომავალ სტუდენტთა სექცია, რომელშიც საქართველოს სხვადასხვა საჯარო და კერძო სკოლის მოსწავლეები იღებენ მონაწილეობას. 

საერთაშორისო სამეცნიერო კონფერენციაზე 300-მდე ქართველმა და უცხოელმა სტუდენტმა წარადგინა მოხსენება. ნაშრომები ქართულ და ინგლისურ ენებზე იყო წარდგენილი, თითოეულ სექციაში მოხსენებებს კი დარგობრივი ექსპერტები და პროფესორები აფასებდნენ. 

კონფერენციის საორგანიზაციო კომიტეტმა ჯამში 600-მდე განაცხადი მიიღო. აღნიშნულ მასშტაბურ კონფერენციას კავკასიის საერთაშორისო უნივერსიტეტი ყოველწლიურად მასპინძლობს.