2026-2027 სასწავლო წლის შემოდგომის სემესტრისთვის კავკასიის საერთაშორისო უნივერსიტეტი აცხადებს მიღებას სემესტრულ გაცვლით პროგრამაზე პარტნიორ INTI საერთაშორისო უნივერსიტეტში.
პროგრამაში მონაწილეობა შეუძლიათ: კავკასიის საერთაშორისო უნივერსიტეტის ბიზნესის ადმინისტრირების საბაკალავრო საგანმანათლებლო პროგრამისა და ინფორმაციული ტექნოლოგიების საბაკალავრო საგანმანათლებლო პროგრამის აქტიური სტატუსის მქონე სტუდენტებს.
აკადემიური მობილობის ფარგლებში მოხდება შესაბამისი განვლილი კურსებისა და კრედიტქულების აღიარება.
სწავლის ხანგრძლივობა: 1 სემესტრი (2026-2027 წლის შემოდგომის სემესტრი)
საკონკურსო ადგილი: 5
საბუთების წარდგენის ბოლო ვადა: 21 აპრილი, 2026 წ.
სააპლიკაციო დოკუმენტების (pdf ფორმატით) მიღება ხდება საერთაშორისო ურთიერთობების დეპარტამენტის ელ.ფოსტაზე:
ird@ciu.edu.ge
სააპლიკაციო დოკუმენტები:
- პირადობის ასლი
- ცნობა სტუდენტის სტატუსის შესახებ (ინგლისურ ენაზე)
- ნიშნების ფურცელი (ინგლისურ ენაზე)
- სამოტივაციო წერილი (ინგლისურ ენაზე)
- CV (ინგლისურ ენაზე)
შერჩევის პროცედურა:
- სააპლიკაციო დოკუმენტების გადარჩევა
- გასაუბრება შიდასაუნივერსიტეტო კომისიასთან
შეფასების ძირითადი კრიტერიუმები:
- მოტივაცია
- აკადემიური მოსწრება
- ენობრივი კომპეტენცია
ფინანსური პირობები:
- ამ პროექტის ფარგლებში სტუდენტები INTI საერთაშორისო უნივერსიტეტში განთავისუფლებულები არიან სწავლის საფასურის გადახდისაგან, იხდიან CIU-ში ჩვეულ რეჟიმში.
- ადმინისტრაციული საფასური INTI საერთაშორისო უნივერსიტეტში - RM 200.00 ( ≈ 50,57 USD )
- საცხოვრებელი: უფასო არის 4 სტუდენტზე გაზიარებული ოთახი (ოთახის პირობების გაუმჯობესება შესაძლებელია დამატებითი საფასურით).
- სტუდენტური ვიზის საფასური: RM 1,100.70 (≈ 250 USD )
აპრილი 16, 2026
12:00 PM
