კონფერენცია ინგლისისა და საფრანგეთის სამეფო დინასტიებზე

10 ივნისს კავკასიის საერთაშორისო უნივერსიტეტის სოციალურ და ჰუმანიტარულ მეცნიერებათა ფაკულტეტის ინგლისური ენისა და ლიტერატურის მიმართულებაზე  სტუდენტური სამეცნიერო კონფერენცია თემაზე - „ინგლისისა და საფრანგეთის სამეფო დინასტიების პიკანტური ისტორიები და კულუარული ინტრიგები” - ჩატარდა.

აღნიშნული კონფერენცია  ინგლისური ენისა და ლიტერატურის საბაკალავრო პროგრამის სალექციო კურსის „ინგლისის ისტორიის” ფარგლებში ჩატარდა.
შეხვედრა სოციალურ და ჰუმანიტარულ მეცნიერებათა ფაკულტეტის  დეკანმა, პროფესორმა ეკატერინე ჭალაგანიძემ გახსნა. მან ყურადღება ინგლისური ენისა და ლიტერატურის პროგრამაზე თეორიული ცოდნისა და პრაქტიკული, ინტერაქციული სწავლების მნიშვნელობაზე გაამახვილა. 

ეკატერინე ჭალაგანიძემ მადლობა გადაუხადა პროგრამის ხელმძღვანელს, პროფესორ ნანა პარინოსს პროგრამის მუდმივი განვითარებისთვის, ხოლო სალექციო კურსის ხელმძღვანელს, პროფესორ ნანა ციხისთავს - კონფერენციის ორგანიზებისთვის. დასასრულს სტუდენტები შესაბამისი სერტიფიკატებით დაჯილდოვდნენ, ნანა ციხისთავს კი, სალექციო კურსის წარმატებით დასრულებისა და ღონისძიების ორგანიზებისთვის, მადლობის სიგელი გადაეცა.