FAO-ს წარმომადგენლების შეხვედრა მევენახეობა-მეღვინეობის ფაკულტეტზე

4 ივნისს, კავკასიის საერთაშორისო უნივერსიტეტის მევენახეობა-მეღვინეობის ფაკულტეტმა უმასპინძლა გაეროს სურსათისა და სოფლის მეურნეობის ორგანიზაციის (FAO) წარმომადგენლებს, რომლებმაც სტუდენტებისა და დარგით დაინტერესებული პირებისთვის ტრენინგი ჩაატარეს.

შეხვედრა ფაკულტეტის კოორდინატორმა და მეღვინეობა „ეთნო ოკამის“ გენერალურმა მენეჯერმა, ლაშა ბოდაველმა გახსნა, რის შემდეგაც დამსწრე აუდიტორიას სიტყვით მიმართა ფაკულტეტის დეკანმა, ოლანი გოცირიძემ. 

ტრენინგის მიმდინარეობისას ყურადღება გამახვილდა ორ უმნიშვნელოვანეს მიმართულებაზე, რომლებიც დღეს გლობალურ გამოწვევად ითვლება. პირველი ნაწილი პესტიციდების უსაფრთხო და ეფექტიან გამოყენებას დაეთმო, რაც პირდაპირ კავშირშია ჯანსაღი პროდუქტის წარმოებასთან. შეხვედრის მეორე ნაწილი კი მთლიანად კლიმატგონივრულ სოფლის მეურნეობას მიეძღვნა, სადაც იმ თანამედროვე მიდგომებზე იმსჯელეს, რომლებიც გარემოს დაცვასა და კლიმატის ცვლილებებთან ადაპტაციას უწყობს ხელს. 

შეხვედრას სტუდენტებთან ერთად ფაკულტეტის აკადემიური და ადმინისტრაციული პერსონალი ესწრებოდა.