CIU-ს სტუდენტი Erasmus+ პროგრამით თურქეთში სწავლას აგრძელებს

კავკასიის საერთაშორისო უნივერსიტეტის მედიცინის ფაკულტეტის მე-6 კურსის სტუდენტი, სალომე წულეისკირი Erasmus+ Student Mobility for Studies-ის პროგრამის ფარგლებში თურქეთში, სტამბოლის უსკუდარის უნივერსიტეტში (Üsküdar University) აგრძელებს.

საერთაშორისო აკადემიურ მობილობაში მონაწილეობის შესაძლებლობა სალომემ მაღალი აკადემიური მოსწრებისა და პროფესიული ინტერესების საფუძველზე მოიპოვა. უსკუდარის უნივერსიტეტში სწავლის გაგრძელება მისთვის მნიშვნელოვანი საერთაშორისო აკადემიური გამოცდილების მიღების, თანამედროვე სამედიცინო პრაქტიკებსა და ინოვაციურ მეთოდოლოგიებთან გაცნობის, ასევე განსხვავებულ კულტურულ და საგანმანათლებლო გარემოში ცოდნის გაღრმავების შესაძლებლობაა.

კავკასიის საერთაშორისო უნივერსიტეტი სტუდენტების საერთაშორისო მობილობასა და მათ პროფესიულ განვითარებას აქტიურად უჭერს მხარს. მაღალი აკადემიური შედეგების მქონე სტუდენტებისთვის ევროპულ და წამყვან უცხოურ პარტნიორ უნივერსიტეტებში გაცვლით პროგრამებში მონაწილეობა ერთ-ერთი მნიშვნელოვანი პრიორიტეტია, რომელსაც კავკასიის საერთაშორისო უნივერსიტეტი თავის სტუდენტებს სთავაზობს

კავკასიის საერთაშორისო უნივერსიტეტი წარმატებებს უსურვებს სალომე წულეისკირს მის პროფესიულ საქმიანობაში.