საქართველოს უმაღლეს საგანმანათლებლო დაწესებულებებში კვლევისა და ინოვაციების შესაძლებლობების გაძლიერება (ERIC-GE)

განსაკუთრებული აქცენტი კეთდება:

• კვლევისა და ინოვაციების შესაძლებლობების გაძლიერებაზე;
• კვლევის ხარისხის შეფასების ინსტიტუციური მექანიზმების გაუმჯობესებაზე;
• კვლევის მენეჯმენტში თანამედროვე მეთოდოლოგიებისა და ხელოვნური ინტელექტის ინსტრუმენტების დანერგვაზე;
• ინოვაციური საგანმანათლებლო მოდულებისა და კურსების შემუშავებაზე;
• მაგისტრანტებისა და დოქტორანტების, ასევე აკადემიური პერსონალის მხარდაჭერაზე;
• საქართველოსა და ევროპის პარტნიორ ინსტიტუტებს შორის თანამშრომლობის ხელშეწყობაზე.

მიზნები:

• საქართველოს უმაღლესი საგანმანათლებლო დაწესებულებების კვლევისა და ინოვაციების შესაძლებლობების გაძლიერება.
• კვლევის შეფასების მექანიზმების ევროკავშირის სტანდარტებთან შესაბამისობაში მოყვანა.
• მეცნიერებათმზომელობის კურსის შემუშავება და დანერგვა.
• აკადემიური და კვლევითი პერსონალის კომპეტენციების გაძლიერება.
• მაგისტრანტებისა და დოქტორანტების მხარდაჭერა ინოვაციური სწავლების მიდგომებით.
• საერთაშორისო თანამშრომლობისა და გამოცდილების გაცვლის ხელშეწყობა.

კონსორციუმი:

ERIC-GE კონსორციუმი აერთიანებს საქართველოსა და ევროპის უმაღლეს საგანმანათლებლო დაწესებულებებსა და კვლევით ორგანიზაციებს. პროექტის კოორდინატორია საქართველოს ტექნიკური უნივერსიტეტის ინსტიტუტი ტექინფორმი და მასში მონაწილეობს ექვსი ქართული და ორი ევროპული უნივერსიტეტი. ევროპელი პარტნიორები არიან: პალერმოს უნივერსიტეტი (იტალია) და ცენტრალური ლანკაშირის უნივერსიტეტი კვიპროსში.

მოსალოდნელი შედეგები:

ERIC-GE პროექტის ფარგლებში, პარტნიორი ინსტიტუტები:

• გააუმჯობესებენ კვლევების მართვის პრაქტიკას;
• მოდერნიზებენ კვლევის შეფასების სისტემებს;
• დანერგავენ მეცნიერებათმზომელობის ახალ საგანმანათლებლო კურსს;
• ინტეგრირებენ ხელოვნური ინტელექტის ინსტრუმენტებს კვლევისა და სწავლების პროცესებში;
• გააძლიერებენ საერთაშორისო თანამშრომლობას და ცოდნის გაცვლას;
• გააძლიერებენ აკადემიური პერსონალისა და ახალგაზრდა მკვლევარების კვლევით შესაძლებლობებს.