დიაბეტის მსოფლიო დღე - კავკასიის საერთაშორისო უნივერსიტეტისა და კავკასიის მედიცინის ცენტრის ერთობლივი ინიციატივა
14 ნოემბერს, კავკასიის საერთაშორისო უნივერსიტეტმა და კავკასიის მედიცინის ცენტრმა დიაბეტის მსოფლიო დღესთან დაკავშირებით ერთობლივი პროექტი განახორციელეს - ინიციატივის ფარგლებში, კავკასიის საერთაშორისო უნივერსიტეტის სტუდენტებმა კლინიკაში დიაბეტის სკრინინგის აქტივობა ჩაატარეს.
14 ნოემბერს დიაბეტის მსოფლიო დღე აღინიშნება, რომელიც დიაბეტის პრევენციის, ადრეული გამოვლენისა და დაავადების შესახებ საზოგადოების ცნობიერების ამაღლებას ემსახურება. ეს მიზნები ჯანმრთელობისა და კეთილდღეობის ხელშეწყობის მნიშვნელოვანი ნაწილია.
მსგავსი ინიციატივები ხელს უწყობს ჯანმრთელობის კამპანიების განხორციელებას, სამედიცინო სერვისებისა და პრევენციული ღონისძიებების პოპულარიზაციას. ამასთანავე, ისინი მნიშვნელოვანია სამედიცინო განათლებისა და პრაქტიკული გამოცდილების გაღრმავებისთვის, რაც სტუდენტებს თეორიული ცოდნის პრაქტიკაში გამოყენების შესაძლებლობას აძლევს.
ჯანმრთელობაზე ზრუნვა ცნობიერებით იწყება, ადრეული სკრინინგი კი ჯანმრთელობის დაცვის მნიშვნელოვანი ნაბიჯია!
სხვა სიახლეები
ნოემბერი 19, 2026
02:33 PM
კომპანია GOGEX-ის წარმომადგენლებთან შეხვედრა ტურიზმის ლაბორატორიაში
ტურიზმის საბაკალავრო პროგრამის განმახორციელებელი ლექტორის, ასოცირებული პროფესორის, ლალი ოქროცვარიძის ორგანიზებით, სასწავლო კურსის „ტურიზმისა და მასპინძლობის მენეჯმენტი“ ფარგლებში, ტურიზმის ლაბორატორიაში მეოთხე კურსის სტუდენტებთან გაიმართა შეხვედრა სატრანსპორტო კომპანია GOGEX-ის ხელმძღვანელ გოგა გოგავასა და მარკეტინგის მენეჯერ ნათია გუგბერიძესთან.
ნოემბერი 19, 2026
02:26 PM
გიორგი გოგოხიას მასობრივი კომუნიკაციის დოქტორის აკადემიური ხარისხი მიენიჭა
18 ნოემბერს კავკასიის საერთაშორისო უნივერსიტეტის მულტიმედია ცენტრის პანორამაში გაიმართა მასობრივი კომუნიკაციის სადოქტორო პროგრამის დოქტორანტ გიორგი გოგოხიას დისერტაციის დაცვა თემაზე: „მედია და თანამედროვე საარჩევნო სისტემები“.
ნოემბერი 19, 2026
12:30 PM
CIU საერთაშორისო საგანმანათლებლო ფორუმზე - „Going Global 2026“
17-19 ნოემბერს, British Council-ის ორგანიზებით, სტამბოლში საერთაშორისო საგანმანათლებლო ფორუმი - „Going Global 2026 - Future-ready tertiary education“ - გაიმართა, სადაც უნივერსიტეტის რექტორმა კახაბერ კორძაიამ და ვიცე-რექტორმა თამარ ინასარიძემ მიიღეს მონაწილეობა.




