ტრენინგი CIU-ს დოქტორანტებისთვის

კავკასიის საერთაშორისო უნივერსიტეტის დოქტორანტურის სამსახურის ინიციატივით გაიმართა ტრენინგი დოქტორანტებისთვის.

ტრენინგს უძღვებოდა ფილოლოგიის დოქტორი და CIU-ს დოქტორანტურის სამსახურის უფროსი ნინო მინდიაშვილი, რომელმაც დოქტორანტებს დეტალურად გააცნო სამეცნიერო ნაშრომის სტრუქტურის ძირითადი მახასიათებლები.

შეხვედრაზე ყურადღება გამახვილდა სადოქტორო საფეხურის ახალ სტანდარტზე, რომლის ფარგლებშიც განხილულ იქნა: საკვალიფიკაციო ნაშრომის სტრუქტურა და აგებულება, განაცხადის ფორმა, ანოტაცია, სარჩევი, შესავალი ნაწილის სტრუქტურა, ნაშრომის რეცენზირების პროცესი, დოქტორანტების და ხელმძღვანელების თანაფარდობა და სხვა მნიშვნელოვანი საკითხები.

შეხვედრის დასასრულს კითხვა-პასუხის რეჟიმში, განხილულ იქნა მინიმალური სტანდარტი, რომლის შესრულებაც მნიშვნელოვანია, რათა სადისერტაციო ნაშრომის დაცვის პროცედურები განხორციელდეს შესაბამისი წესების დაცვით.