ივნისი 19, 2026
12:00 PMსტუმრად ბირთვული/რადიაციული უსაფრთხოების სააგენტოს ლაბორატორიებში
ბირთვული და რადიაციული უსაფრთხოების სააგენტოს ორგანიზებით, კავკასიის საერთაშორისო უნივერსიტეტის სტუდენტები, პროფესორები და ადმინისტრაციის წარმომადგენლები სააგენტოს ლაბორატორიის მუშაობასა და ტექნიკურ აღჭურვილობას გაეცნენ. შემეცნებით ტურს ბირთვული და რადიაციული უსაფრთხოების სააგენტოს თანამშრომლები უძღვებოდნენ.
კავკასიის საერთაშორისო უნივერსიტეტის წარმომადგენლებმა მუხათგვერდის გამოყენებითი კვლევების ცენტრიც დაათვალიერეს. შეხვედრა ინტერაქტიულ რეჟიმში წარიმართა. სტუდენტებს ჰქონდათ შესაძლებლობა, დაესვათ კითხვები და დარგის წამყვანი სპეციალისტებისგან ამომწურავი პასუხები მიეღოთ.
ახალგაზრდებში ბირთვული და რადიაციული უსაფრთხოების შესახებ ცნობიერების ამაღლების მიზნით, სააგენტო მსგავსი ხასიათის საგანმანათლებლო ღონისძიებებს მომავალშიც აქტიურად განახორციელებს.
სხვა სიახლეები
- ივნისი 18, 202602:00 PM
სტუმრად პირველ ქვეით ბრიგადასა და ეროვნულ თავდაცვის აკადემიაში
კავკასიის საერთაშორისო უნივერსიტეტის სოციალურ და ჰუმანიტარულ მეცნიერებათა და სამართლის ფაკულტეტების სტუდენტები, ფაკულტეტების ადმინისტრაციასა და პროგრამის ხელმძღვანელებთან ერთად, შემეცნებითი ვიზიტით ქალაქ გორს ეწვივნენ. უნივერსიტეტის წარმომადგენლებმა საქართველოს თავდაცვის ძალების აღმოსავლეთის სარდლობის პირველი ქვეითი ბრიგადის ბაზა და დავით აღმაშენებლის სახელობის ეროვნული თავდაცვის აკადემია მოინახულეს. - ივნისი 18, 202610:00 AM
გიორგი ფარეშიშვილი ლუქსემბურგში პარლამენტარიზმის კვლევების კონფერენციაზე
4-6 ივნისს, ლუქსემბურგში პარლამენტარიზმის კვლევების მეხუთე გლობალური კონფერენცია გაიმართა. საერთაშორისო მასშტაბის სამეცნიერო ფორუმს ევროპის პარლამენტმა უმასპინძლა, ხოლო ღონისძიების ორგანიზატორი ლუქსემბურგის უნივერსიტეტი გახლდათ. კონფერენციაში მონაწილეობას იღებდნენ წამყვანი მკვლევრები და მეცნიერები მსოფლიოს ყველა კონტინენტიდან. - ივნისი 17, 202602:00 PM
ტრენინგი თანამშრომლობითი სწავლების მეთოდების შესახებ
კავკასიის საერთაშორისო უნივერსიტეტი აქტიურად აგრძელებს საგანმანათლებლო პროცესის განვითარებისა და აკადემიური პერსონალის პროფესიული ზრდის ხელშეწყობას. ამ მიზნით, უნივერსიტეტში გაიმართა ტრენინგი, რომელიც თანამშრომლობითი სწავლების მეთოდებსა და სტრატეგიებს დაეთმო. შეხვედრას უძღვებოდა მესამე თაობის ეროვნული სასწავლო გეგმის დანერგვისა და განვითარების ექსპერტი თამარ ფანჩულიძე.