სტუდენტური დისკუსია - „დიპლომატია ცვალებად მსოფლიოში“

18 ნოემბერს კავკასიის საერთაშორისო უნივერსიტეტის სოციალურ და ჰუმანიტარულ მეცნიერებათა ფაკულტეტის ორგანიზებით მიმდინარე „ქართული დიპლომატიის კვირეულის“ დასკვნითი ღონისძიება გაიმართა.

სტუდენტურ დისკუსიაზე - „დიპლომატია ცვალებად მსოფლიოში“ - საერთაშორისო ურთიერთობების/უსაფრთხოების მიმართულების საბაკალავრო და სამაგისტრო პროგრამის სტუდენტებმა საერთაშორისო და რეგიონული პოლიტიკის აქტუალურ საკითხებზე მოხსენებები წარადგინეს, რის შემდეგაც დისკუსია გაიმართა.

ღონისძიებას მოდერაცია გაუწია საერთაშორისო ურთიერთობების საბაკალავრო პროგრამის ხელმძღვანელმა ალიკა გუჩუამ.

სტუდენტურ დისკუსიას უნივერსიტეტის ადმინისტრაციული/აკადემიური პერსონალი ესწრებოდა.

ცნობისთვის, ქართული დიპლომატიის პროფესიული დღის დაწესება ქართველი მწერლისა და საზოგადო მოღვაწის, სულხან-საბა ორბელიანის დაბადების დღეს (3 ნოემბერი) უკავშირდება. კავკასიის საერთაშორისო უნივერსიტეტი წლებია უკვე აღნიშნულ თარღს „ქართული დიპლომატიის კვირეულით ეხმიანება“.