პროფესორი ნანა პარინოსი და სტუდენტი ლიზა ბოლქვაძე საერთაშორისო სამეცნიერო სიმპოზიუმზე

18 ივლისს კავკასიის საერთაშორისო უნივერსიტეტის ინგლისური ენისა და ლიტერატურის საბაკალავრო პროგრამის ხელმძღვანელმა, ასოცირებულმა პროფესორმა, დოქტორმა ნანა პარინოსმა და ამავე პროგრამის მესამე კურსის სტუდენტმა, ლიზა ბოლქვაძემ, თურქეთში, სტამბოლის მედენიეტის უნივერსიტეტის „ენის, ლიტერატურისა და თარგმანმცოდნეობის“ მე-11 საერთაშორისო სამეცნიერო სიმპოზიუმში მიიღეს მონაწილეობა.

სიმპოზიუმი პროფესორმა ნანა პარინოსმა გახსნა. მან აღნიშნა, რომ მსგავს ღონისძიებებს დიდი მნიშვნელობა აქვს როგორც საერთაშორისო სამეცნიერო ნაშრომების გაზიარების, ისე მკვლევართა შორის გლობალური ქსელის ჩამოყალიბების თვალსაზრისით. ასევე, ნანა პარინოსმა უხელმძღვანელა სექციას სახელწოდებით „ინგლისური ენა და ლიტერატურა“, სადაც ლიზა ბოლქვაძემ წარადგინა ერთობლივი სამეცნიერო ნაშრომი „აქტიური ბავშვის ტიპოლოგია ინგლისურ ლიტერატურაში“.

სამეცნიერო სიმპოზიუმი აქტიური დისკუსიის რეჟიმში წარიმართა.