ნათია ფოფხაძის სადისერტაციო ნაშრომის დაცვა

23 ივლისს, კავკასიის საერთაშორისო უნივერსიტეტის მასობრივი კომუნიკაციის სადოქტორო პროგრამის დოქტორანტ  ნათია ფოფხაძის სადისერტაციო ნაშრომის დაცვა გაიმართა თემაზე: „ტრადიციული მედიის ახალი დღის წესრიგი: საქართველოს საზოგადოებრივი მაუწყებლის „პირველი არხის“ ციფრული პორტფოლიო“.

ნაშრომის სამეცნიერო ხელმძღვანელია სოციალურ მეცნიერებათა დოქტორი ჟურნალისტიკაში, კავკასიის საერთაშორისო უნივერსიტეტის პროფესორი ხათუნა კაჭარავა, ოფიციალური რეცენზენტები კი ჟურნალისტიკის დოქტორი, საქართველოს საერთაშორისო უნივერსიტეტის (GIU) პროფესორი მარინე ვეკუა და სოციალურ მეცნიერებათა დოქტორი, კავკასიის საერთაშორისო უნივერსიტეტის პროფესორი ზაზა ცოტნიაშვილი.

ნაშრომის წარდგენისა და შესაბამისი პროცედურების გავლის შემდეგ, სადისერტაციო საბჭოს გადაწყვეტილებით, ნათია ფოფხაძეს მასობრივი კომუნიკაციის დოქტორის აკადემიური ხარისხი მიენიჭა.