პროფესიული პროგრამების ახალი მიღებების პრეზენტაცია

8 და 10 ოქტომბერს კავკასიის საერთაშორისო უნივერსიტეტში პროფესიული მომზადებისა და გადამზადების ახალი პროგრამების გახსნის ღონისძიებები გაიმართა.

8 ოქტომბერს, მევენახეობა-მეღვინეობის ფაკულტეტზე, მსმენელებს წარედგინათ პროგრამები: „ნულოვანი ემისიის სოფლის მეურნეობის მართვა“ და „მევენახეობის სპეციალისტი“. 10 ოქტომბერს კი გაიმართა პროგრამის „პირველადი ბუღალტრული დოკუმენტაციის წარმოება“ პირველი მიღების პრეზენტაცია. მაღალი მოთხოვნის გამო, ბუღალტერიის მიმართულებით ორი ჯგუფი დაკომპლექტდა.

სამივე პროგრამაზე სულ 33 მსმენელი ჩაირიცხა: 10 - აგრარულ მიმართულებებზე, ხოლო 23 - ბუღალტერიის კურსზე. სწავლება ოქტომბერსა და ნოემბერში წარიმართება.

სასწავლო პროცესი ჩატარდება უნივერსიტეტის მევენახეობა-მეღვინეობის კამპუსში, ოკამის საწარმოში (სოფელი აღაიანი) და EEC Georgia-ს ბაზაზე (ბაზალეთი).

სამივე პროგრამას აფინანსებს დასაქმების ხელშეწყობის სახელმწიფო სააგენტო. პროგრამა „ნულოვანი ემისიის სოფლის მეურნეობის მართვა“ შეიქმნა პროექტის „მდგრადი და მწვანე ბიზნეს პრაქტიკების განვითარება საქართველოში“ ფარგლებში, ევროკავშირისა და ავსტრიის საერთაშორისო პარტნიორობის მხარდაჭერით, World Vision Austria-ს, World Vision საქართველოს, საქართველოს ფერმერთა ასოციაციისა და EEC Georgia-ს მიერ.

ღონისძიებას ესწრებოდნენ უნივერსიტეტის პროფესიული პროგრამების მსმენელები, პროგრამების განმახორციელებლები, პარტნიორი კომპანიისა და საწარმოს წარმომადგენლები. პროგრამა „პირველადი ბუღალტრული დოკუმენტაციის წარმოების“ პროგრამის ხელმძღვანელია გიორგი ლილუაშვილი, მევენახეობა-მეღვინეობის მიმართულების პროგრამების - მაია მირველაშვილი, ლაშა ბოდაველი და ლევან ელერდაშვილი.

ცნობისთვის, კავკასიის საერთაშორისო უნივერსიტეტის პროფესიული განათლების ცენტრი 2023 წლის იანვარში შეიქმნა და მას თეა ოსეფაშვილი ხელმძღვანელობს. ცენტრმა 2024-2026 წლებში 7 სასწავლო კურსი განახორციელა, ამჟამად კი 8 პროგრამა მიმდინარეობს.