შეხვედრა პელოპონესის უნივერსიტეტის (საბერძნეთი) წარმომადგენელთან

31 ოქტომბერს, კავკასიის საერთაშორისო უნივერსიტეტის რექტორი კახაბერ კორძაია პელოპონესის უნივერსიტეტის (საბერძნეთი) ასისტენტ პროფესორს, ბიზნესისა და ორგანიზაციის ადმინისტრაციის დეპარტამენტის წარმომადგენელს, ანასტასია ვუტინიოტის შეხვდა. (Anastasia Voutinioti - Assistant Professor, Department of Business and Organization Administration, University of the Peloponnese).

შეხვედრას ასევე ესწრებოდა კსუ-ს საერთაშორისო ურთიერთობების დეპარტამენტის კოორდინატორი უცხოურ უნივერსიტეტებსა და სასწავლო-სამეცნიერო ორგანიზაციებთან თანამშრომლობის მიმართულებით სვეტლანა კირაკოსიანი.

შეხვედრაზე მხარეებმა ერთმანეთს გააცნეს უნივერსიტეტები და ისეთი მნიშვნელოვანი საკითხები განიხილეს, როგორიცაა თანამშრომლობის მემორანდუმის გაფორმება, სტუდენტების და აკადემიური პერსონალის გაცვლითი პროგრამების განხორციელება, ერთობლივი კვლევები ორმხრივ და ერასმუს+ საფუძველზე.

აღსანიშნავია, რომ სტუმარმა კსუ-ში ვიზიტის სურვილი გამოთქვა Erasmus+ საქართველოს ეროვნული ოფისის მიერ ორგანიზებულ საკონტაქტო სემინარში მონაწილეობისას, სადაც საქართველოს სხვა უნივერსიტეტებთან ერთად კსუ აქტიურად იყო წარმოდგენილი.