ლექცია თემაზე: „მეწარმეობა - ბიზნესის პერსპექტივა“

ლექცია თემაზე: „მეწარმეობა - ბიზნესის პერსპექტივა“
12 დეკემბერს, კავკასიის საერთაშორისო უნივერსიტეტის (CIU) მევენახეობა-მეღვინეობის კორპუსში, გაიმართა ლექცია თემაზე: „მეწარმეობა-ბიზნესის პერსპექტივა“, რომელსაც „ეფეს საქართველოს“ კორპორაციულ საქმეთა დირექტორი ნიკოლოზ ხუნძაკიშვილი უძღვებოდა.

ღონისძიებას უნივერსიტეტის რექტორი კახაბერ კორძაია, მევენახეობა-მეღვინეობის ფაკულტეტის დეკანი ოლანი გოცირიძე და ბიზნესისა და ტექნოლოგიების ფაკულტეტის დეკანი ქეთევან ნანობაშვილი ესწრებოდნენ.

ლექციის ფარგლებში განსაკუთრებული ყურადღება გამახვილდა თანამედროვე მეწარმეობის მნიშვნელობასა და ბიზნესის განვითარების მრავალფეროვან შესაძლებლობებზე. მომხსენებელმა სტუდენტებს გაუზიარა პრაქტიკული გამოცდილება იმისა, თუ როგორ შეიძლება იდეის წარმატებულ სტარტაპად გარდაქმნა და რა ეტაპების გავლაა საჭირო მეწარმეობის გზაზე.

დასკვნით ნაწილში განხილულ იქნა ბაზრის მიმდინარე ტენდენციები და ინვესტორებთან ეფექტიანი კომუნიკაციის ძირითადი პრინციპები. სტუდენტებმა მიიღეს პრაქტიკული რჩევები და რეკომენდაციები, რომლებიც მათ პროფესიულ განვითარებასა და მომავალ კარიერულ წინსვლას შეუწყობს ხელს.

შეხვედრას მოდერაციას უწევდა CIU-ის რექტორის მრჩეველი, ასოცირებული პროფესორი გიორგი ფარეშიშვილი. 

ღონისძიების ფარგლებში მხარეებმა სამომავლო თანამშრომლობის შესაძლებლობებზე იმსჯელეს, მათ შორის დაიგეგმა მემორანდუმის გაფორმება.