კავკასიის საერთაშორისო უნივერსიტეტის ბიზნესისა და ტექნოლოგიების ფაკულტეტზე იგეგმება ახალი, ინოვაციური ღონისძიება „AI Startup Winter 2025-2026“, რომელიც მიზნად ისახავს სტუდენტებისთვის ხელოვნური ინტელექტის ტექნოლოგიების პრაქტიკულ გაცნობას და AI-ზე დაფუძნებული სტარტაპ იდეების შექმნა-განვითარებას.
ღონისძიება შედგება ორი ნაწილისგან:
- AI სტარტაპ ვორქშოპი - ვორქშოპის ფარგლებში სტუდენტები გაეცნობიან თანამედროვე AI ინსტრუმენტებს, ისწავლიან იდეების გენერირებას, პრობლემის ანალიზს და პროტოტიპის შექმნას. მათთან ერთად აქტიურად იმუშავებენ მენტორები: გიორგი კაკაშვილი და ია ნადირაშვილი.
18 დეკემბერი, 15:00 საათი, აუდიტორია 305
22 დეკემბერი, 16:00 საათი, აუდიტორია 505
- AI სტარტაპ კონკურსი - ვორქშოპის დასრულების შემდეგ, სტუდენტური გუნდები ჟიურის წინაშე წარადგენენ AI ტექნოლოგიებზე დაფუძნებულ ციფრულ სტარტაპ იდეებს.
შეფასების კრიტერიუმები:
- იდეის სიახლე (ორიგინალურობა)
- ტექნიკური განხორციელებადობა
- ხელოვნური ინტელექტის სწორი გამოყენება
- პრეზენტაციის ხარისხი
გამარჯვებულებს გადაეცემათ სპეციალური ჯილდოები, ხოლო ყველა მონაწილე მიიღებს სერთიფიკატს.
ციფრული სტარტაპ იდეების წარდგენა ჟიურის წინაშე - 12 იანვარი, 15:00 საათი, აუდიტორია 305.
ღონისძიების მიზანია, სტუდენტებში ინოვაციური აზროვნების, ტექნოლოგიური უნარების, გუნდური და AI-სთან პრაქტიკული მუშაობის გამოცდილების განვითარება. ეს ფორმატი ხელს უწყობს სტუდენტების ჩართულობას თანამედროვე ციფრულ ეკოსისტემაში და მათი პროფესიული მზაობის გაძლიერებას.
მონაწილეობისთვის იხილეთ სარეგისტრაციო ბმული: https://forms.gle/DctFZ6QB9Y94MDQy5
დეკემბერი 11, 2025
01:00 PM
