ტრენინგი ონლაინ სამეცნიერო რესურსების ეფექტურ გამოყენებაზე
10 დეკემბერს კავკასიის საერთაშორისო უნივერსიტეტის ბიბლიოთეკამ უმასპინძლა ტრენინგს თემაზე: „ონლაინ სამეცნიერო სამყარო: ბაზების ეფექტური გამოყენება და სტატიების გამოქვეყნების შესაძლებლობები“.
ტრენინგს უძღვებოდა მარიკა ჟორჟოლიანი - ეროვნული სამეცნიერო ბიბლიოთეკის ფონდების დაცვის, შენახვისა და განვითარების დეპარტამენტის დაკომპლექტების განყოფილების უფროსი, საქართველოს ბიბლიოთეკების ინტეგრირებული საინფორმაციო ქსელისა და კონსორციუმის ლიცენზირების კოორდინატორი.
ღონისძიება მიზნად ისახავდა კავკასიის საერთაშორისო უნივერსიტეტის სტუდენტებისა და აკადემიური პერსონალისათვის პრაქტიკული ცოდნის მიწოდებას ონლაინ სამეცნიერო ბაზების ეფექტურად გამოყენების შესახებ.
მონაწილეები გაეცნენ სამეცნიერო სტატიების გამოქვეყნების ძირითად ეტაპებს, ჟურნალების შერჩევის კრიტერიუმებს, როგორც უფასო, ისე ფასიანი ჟურნალების შესახებ მნიშვნელოვან პრაქტიკულ ინფორმაციას, ასევე თანამედროვე პუბლიკაციის სტანდარტებს.
ტრენინგმა მონაწილეებს საშუალება მისცა გაემყარებინათ კვლევითი უნარები, გაეზარდათ აკადემიური ხილვადობა და უკეთ ჩართულიყვნენ საერთაშორისო სამეცნიერო სივრცეში.
სხვა სიახლეები
დეკემბერი 11, 2025
01:00 PM
AI Startup Winter 2025-2026
კავკასიის საერთაშორისო უნივერსიტეტის ბიზნესისა და ტექნოლოგიების ფაკულტეტზე იგეგმება ახალი, ინოვაციური ღონისძიება „AI Startup Winter 2025-2026“, რომელიც მიზნად ისახავს სტუდენტებისთვის ხელოვნური ინტელექტის ტექნოლოგიების პრაქტიკულ გაცნობას და AI-ზე დაფუძნებული სტარტაპ იდეების შექმნა-განვითარებას.
დეკემბერი 11, 2025
10:30 AM
CIU-ს ტურიზმის საბაკალავრო პროგრამის სტუდენტების პროექტი „თბილი ქალაქი თბილისი“
6 დეკემბერს ბიზნესისა და ტექნოლოგიების ფაკულტეტის ტურიზმის საბაკალავრო პროგრამის IV კურსის სტუდენტებმა, სასწავლო კურსის „ღონისძიებების მენეჯმენტი MICE ტურიზმი“ (ლექტორი: ასოც. პროფესორი ნანა ახალაია) ფარგლებში, წარმატებით განახორციელეს პრაქტიკული სასწავლო აქტივობა - თბილისის გაცნობითი ტური ფაკულტეტის უცხოელი სტუდენტებისთვის.
დეკემბერი 09, 2025
01:15 PM
იოსებ ტურაშვილის სადისერტაციო ნაშრომის დაცვა
2025 წლის 22 დეკემბერს, 15: 00 საათზე, მულტიმედია ცენტრის პანორამაში (პირველი კორპუსის მე-10 სართული) შედგება პოლიტიკის მეცნიერების სადოქტორო პროგრამის დოქტორანტ იოსებ ტურაშვილის სადისერტაციო ნაშრომის საჯარო დაცვა თემაზე: გეოსტრატეგიული ინდიკატორების გავლენა აშშ-ს სამხედრო პოლიტიკის ფორმირებაზე (უკრაინისა და ჩინეთის შემთხვევების მაგალითზე).











