შეხვედრა CIU-ში - ელექტროკარდიოგრაფია: გულის ფუნქციური შეფასების პირველი ნაბიჯები

28 ნოემბერს კავკაასიის საერთაშორისო უნივერსიტეტის მედიცინის ფაკულტეტზე წარმატებით ჩატარდა პრაქტიკაზე ორიენტირებული ვორქშოფი. 

შეხვედრაზე დეტალურად განიხილეს ყველა ის ძირითადი თემა, რომელიც ელექტროკარდიოგრამის სწორ ანალიზსა და კლინიკურ პრაქტიკაში მის გამოყენებას უკავშირდება.

ვორქშოფის მომხსენებელი იყო კლინიკა „რეიმანის“ კარდიოლოგიური კვლევების კოორდინატორი და „ჯეო-ჰოსპიტალის“ უმცროსი კარდიოლოგი ნიკოლოზ ხუციშვილი.

სესიის ფარგლებში სტუდენტებმა გულის ელექტროფიზიოლოგიური საფუძვლები შეისწავლეს, დაეუფლნენ ECG-ის გადაღებისა და ინტერპრეტაციის პრაქტიკულ უნარებს, ისწავლეს რითმისა და გამტარობის დარღვევების ამოცნობა, გაანალიზეს იშემიური და ინფარქტული ცვლილებები, შეაფასეს ელექტროლიტთა ბალანსის ცვლილებების გავლენა ECG-ზე და მონაწილეობა მიიღეს შემთხვევებზე დაფუძნებულ კლინიკურ განხილვაში.

ვორქშოფის მიზანი იყო, სტუდენტებისთვის ECG-ს პრაქტიკული გაგება და დამოუკიდებელი ანალიზის გაძლიერება, რათა ისინი უკეთ მომზადებულნი შევიდნენ კლინიკურ გარემოში და პაციენტებთან მუშაობის პროცესში ეფექტურად გამოიყენონ მიღებული ცოდნა.