მაკა ბულეიშვილის სადისერტაციო ნაშრომის დაცვა

22 ივნისს, კავკასიის საერთაშორისო უნივერსიტეტში, ნიკო ნიკოლაძის სახელობის საკონფერენციო დარბაზში, პოლიტიკის მეცნიერების სადოქტორო პროგრამის დოქტორანტ მაკა ბულეიშვილის სადისერტაციო ნაშრომის საჯარო დაცვა გაიმართა თემაზე: „ეპიდემიების  გავლენა გლობალურ პოლიტიკურ პროცესებსა და  ეროვნულ უსაფრთხოებაზე“.

ნაშრომის სამეცნიერო ხელმძღვანელია პოლიტიკის მეცნიერებათა დოქტორი, კავკასიის საერთაშორისო უნივერსიტეტის პროფესორი ვახტანგ მაისაია, ოფიციალური რეცენზენტები - ისტორიის დოქტორი, პროფესიული უსაფრთხოების დოქტორი, კავკასიის საერთაშორისო უნივერსიტეტის ასოცირებული პროფესორი დავით კუხალაშვილი და სოციალურ მეცნიერებათა დოქტორი, საქართველოს ტექნიკური უნივერსიტეტის პროფესორი ვალერი მოდებაძე.

ნაშრომის ოფიციალური ექსპერტებია - პოლიტიკის მეცნიერების დოქტორი, კავკასიის საერთაშორიოს უნივერსიტეტის ასოცირებული პროფესორი ალიკა გუჩუა და გეოგრაფიის დოქტორი, შავი ზღვის საერთაშორისო უნივერსიტეტის პროფესორი ნიკა ჩიტაძე.

სადისერტაციო ნაშრომის წარდგენისა და შესაბამისი პროცედურების გავლის შემდეგ, სადისერტაციო საბჭოს გადაწყვეტილებით, მაკა ბულეიშვილს პოლიტიკის მეცნიერების დოქტორის აკადემიური ხარისხი მიენიჭა.