კავკასიოლოგთა VII საერთაშორისო კონგრესი

კავკასიოლოგთა VII საერთაშორისო კონგრესი

კავკასია - ინტერდისციპლინური კვლევები

ენები, ხალხები, კულტურა, გენეტიკური კვლევები

ორგანიზატორები:

ივანე ჯავახიშვილის სახელობის თბილისის სახელმწიფო უნივერსიტეტი;
კავკასიის საერთაშორისო უნივერსიტეტი.
ჩატარების ადგილი: თბილისი, საქართველო

ჩატარების თარიღი: 25-28 სექტემბერი, 2025 წ.

კონგრესის მიზანია: გამოკვეთოს კავკასიის რეგიონის ენებისა და ხალხების კულტურულ-ცივილიზაციური კონტექსტი ისტორიულ ჭრილში ინტერდისციპლინური კვლევების შედეგების საფუძველზე; განსაზღვროს კავკასიის რეგიონის წინაშე არსებული ჰუმანიტარულ-ეკოლოგიური, პოლიტიკური და ეკონომიკური გამოწვევები; შეიმუშაოს გამოწვევათა გადასაჭრელად გასატარებელი აქტივობების სამეცნიერო საფუძვლები; განსაზღვროს კავკასიის ლინგვოკულტურული და ბიომრავალფეროვნების შენარჩუნების შესაძლებლობები.

ზემოხსენებული საკითხები არ ზღუდავს სხვა კავკასიოლოგიურ თემატიკას, რომელიც შეიძლება განხილულ იქნეს კონგრესზე გასატანად. კონგრესზე განსაკუთრებული ყურადღება დაეთმობა კავკასიის ენათა სიცოცხლისუნარიანობისა და ფუნქციონირების საკითხებს; ასევე, კავკასიის ხალხთა ფიზიკური ანთროპოლოგიის საკითხებს, გენეტიკური კვლევების შედეგებს და ამ კვლევათა მიმართებას არქეოლოგიური და ლინგვისტური კვლევების შედეგებთან.

კავკასიოლოგთა VII საერთაშორისო კონგრესი იმუშავებს სექციებად დარგების მიხედვით:

ენათმეცნიერება, სოციოლინგვისტიკა (3 სექცია);
ისტორია (2 სექცია);
არქეოლოგია;
კულტუროლოგია, ხელოვნებათმცოდნეობა;
ეთნოლოგია;
ფოლკლორი, ლიტერატურა;
ეკოლოგია, გეოპოლიტიკა, გეოეკონომიკა;
კავკასიის ხალხთა ფიზიკური ანთროპოლოგია, გენეტიკური კვლევები.
მნიშვნელოვანი თარიღები:

თეზისების წარდგენის ბოლო ვადა: 15 ივლისი, 2025 წ.

შეტყობინება მოხსენების პროგრამაში ჩართვის შესახებ: 5 აგვისტო, 2025 წ.;

მოხსენებათა (სასტენდო, ზეპირი) წარდგენის ბოლო ვადა: 5 სექტემბერი, 2025 წ.;

მასალების წარდგენის წესი - ორ ენაზე სამუშაო ენებიდან;

მოცულობა: არაუმეტეს 500 სიტყვისა ერთ ენაზე;

შრიფტი: ქართულისათვის - Sylfaen, ინგლისურისა და რუსულისათვის - Times New Roman;

შრიფტის ზომა: 12, სტრიქონებს შორის ინტერვალი: 1,5;

ფორმატი: როგორც MS Word, ასევე PDF;

თეზისები როგორც ქართულ, ისე ინგლისურ და რუსულ ენებზე გამოგზავნეთ შემდეგ ელექტრონულ მისამართზე: CongresskafVII@gmail.com

რეგლამენტი:

პლენარული სხდომის მოხსენება - 25 წუთი;

მოხსენება (პრეზენტაცია) - 20 წუთი;

დისკუსია - 10 წუთი.

კონგრესის თავმჯდომარე, პროფესორი ცირა ბარამიძე (თბილისის სახელმწიფო უნივერსიტეტი);

აღმასრულებელი ხელმძღვანელი, პროფესორი გიორგი ფარეშიშვილი (კავკასიის საერთაშორისო უნივერსიტეტი).