კავკასიის საერთაშორისო უნივერსიტეტის პროფესორების აკადემიური ვიზიტი გდანსკის უნივერსიტეტში

კავკასიის საერთაშორისო უნივერსიტეტის პროფესორები, ნანა ტალახაძე და ხათუნა კაჭარავა, Erasmus+ პროგრამის ფარგლებში, სამუშაო ვიზიტით, პოლონეთში, გდანსკის უნივერსიტეტში იმყოფებოდნენ.

პროგრამის ფარგლებში CIU-ის პროფესორებმა გდანსკის უნივერსიტეტის სტუდენტებისთვის საჯარო ლექციები ჩაატარეს. ლექციებს ესწრებოდნენ გდანსკის უნივერსიტეტის ბაკალავრიატისა და მაგისტრატურის სტუდენტები, რომლებმაც განხილული საკითხების მიმართ განსაკუთრებული ინტერესი გამოხატეს.

ვიზიტის ფარგლებში გაიმართა შეხვედრები გდანსკის უნივერსიტეტის აკადემიურ და ადმინისტრაციულ პერსონალთან. შეხვედრების დროს მხარეებმა ისაუბრეს საერთაშორისო თანამშრომლობის გაღრმავების, ერთობლივი საგანმანათლებლო და სამეცნიერო პროექტების განხორციელების, აკადემიური მობილობებისა და გამოცდილების გაზიარების შესაძლებლობებზე.

ვიზიტი მნიშვნელოვანი იყო უნივერსიტეტებს შორის საერთაშორისო აკადემიური თანამშრომლობის გაღრმავებისა და გამოცდილების გაზიარების მიმართულებით.