გიორგი ფარეშიშვილი ლუქსემბურგში პარლამენტარიზმის კვლევების კონფერენციაზე

4-6 ივნისს, ლუქსემბურგში პარლამენტარიზმის კვლევების მეხუთე გლობალური კონფერენცია გაიმართა. საერთაშორისო მასშტაბის სამეცნიერო ფორუმს ევროპის პარლამენტმა უმასპინძლა, ხოლო ღონისძიების ორგანიზატორი ლუქსემბურგის უნივერსიტეტი გახლდათ. კონფერენციაში მონაწილეობას იღებდნენ წამყვანი მკვლევრები და მეცნიერები მსოფლიოს ყველა კონტინენტიდან.

ორგანიზატორთა ოფიციალური მიწვევით, ევროპის პარლამენტში მოხსენებით წარდგა კავკასიის საერთაშორისო უნივერსიტეტის რექტორის მრჩეველი, პოლიტიკის მეცნიერების დოქტორი, ასოცირებული პროფესორი გიორგი ფარეშიშვილი. ქართველი მეცნიერის გამოსვლა საქართველოში პარლამენტარიზმის განვითარების უახლეს ტენდენციებსა და ამ მიმართულებით არსებულ აქტუალურ საკითხებს მიეძღვნა.

კონფერენციაზე წარდგენილი სამეცნიერო მოხსენებები დაიბეჭდება საერთაშორისო დონის აღიარებულ აკადემიურ პერიოდულ გამოცემაში - International Journal of Parliamentary Studies, რომელსაც მსოფლიოში ერთ-ერთი უძველესი და პრესტიჟული გამომცემლობა Brill გამოსცემს.
აღსანიშნავია, რომ პარლამენტარიზმის კვლევების მომდევნო გლობალურ კონფერენციას 2027 წელს გაერთიანებული სამეფოს დედაქალაქი, ლონდონი უმასპინძლებს.