CIU-ის მეღვინეობა „ეთნო ოკამმა“ შანხაის საერთაშორისო გამოფენაზე ბიზნესშეხვედრები გამართა
5-10 ნოემბერს, ჩინეთის ქალაქ შანხაიში, საერთაშორისო გამოფენა China International Import Expo-ს ფარგლებში, „ინვესტიციების სააგენტოს“ მხარდაჭერით გამართულ ბიზნესშეხვედრებში (B2B) მეღვინეობა „ეთნო ოკამმა“ მიიღო მონაწილეობა. ღონისძიების მიზანს ქართული ღვინის პოპულარიზაცია და საერთაშორისო საექსპორტო პოტენციალის ათვისება წარმოადგენდა.
ბიზნესფორმატის შეხვედრებზე „ეთნო ოკამის“ გენერალურმა მენეჯერმა ლაშა ბოდაველმა და საზოგადოებასთან ურთიერთობის სამსახურის მენეჯერმა გვანცა ლოთუაშვილმა იმპორტიორებს კომპანიის საქმიანობა, საწარმოო სტანდარტები და სამომავლო ხედვები გააცნეს.
„ჩვენ გადავედით წარმოებისა და პოზიციონირების სრულიად ახალ ეტაპზე. მომხმარებელს უკვე ვთავაზობთ გაზრდილ ასორტიმენტს, რომელსაც ბაზარი მალე განახლებული იერსახით იხილავს. ამასთან, ავამოქმედეთ ოთხენოვანი განახლებული ვებგვერდი (www.etnookami.com) და სრული მზაობა გვაქვს მსხვილ საერთაშორისო შემსყიდველებთან თანამშრომლობისთვის“, - აღნიშნეს კომპანიის წარმომადგენლებმა.
საგულისხმოა, რომ მეღვინეობა „ეთნო ოკამის“ ინსტიტუციურ და ტექნოლოგიურ განვითარებაში უმნიშვნელოვანეს როლს კავკასიის საერთაშორისო უნივერსიტეტი ასრულებს. უნივერსიტეტის მხარდაჭერა მოიცავს როგორც მატერიალურ-ტექნიკურ კონტრიბუციას, ისე აკადემიური ცოდნისა და თანამედროვე კვლევითი მიღწევების პრაქტიკაში დანერგვას, რასაც უშუალოდ CIU-ს მევენახეობა-მეღვინეობის ფაკულტეტი უზრუნველყოფს.
საგანმანათლებლო დაწესებულებისა და ბიზნესსექტორის მსგავსი სინერგია ქმნის წარმატებულ პრეცედენტს, სადაც საუნივერსიტეტო ბაზაზე დაგროვილი სამეცნიერო გამოცდილება პირდაპირ აისახება ქართული პროდუქციის კონკურენტუნარიანობასა და გლობალურ ბაზრებზე მის პოზიციონირებაზე.
სხვა სიახლეები
ნოემბერი 19, 2026
02:33 PM
კომპანია GOGEX-ის წარმომადგენლებთან შეხვედრა ტურიზმის ლაბორატორიაში
ტურიზმის საბაკალავრო პროგრამის განმახორციელებელი ლექტორის, ასოცირებული პროფესორის, ლალი ოქროცვარიძის ორგანიზებით, სასწავლო კურსის „ტურიზმისა და მასპინძლობის მენეჯმენტი“ ფარგლებში, ტურიზმის ლაბორატორიაში მეოთხე კურსის სტუდენტებთან გაიმართა შეხვედრა სატრანსპორტო კომპანია GOGEX-ის ხელმძღვანელ გოგა გოგავასა და მარკეტინგის მენეჯერ ნათია გუგბერიძესთან.
ნოემბერი 19, 2026
02:26 PM
გიორგი გოგოხიას მასობრივი კომუნიკაციის დოქტორის აკადემიური ხარისხი მიენიჭა
18 ნოემბერს კავკასიის საერთაშორისო უნივერსიტეტის მულტიმედია ცენტრის პანორამაში გაიმართა მასობრივი კომუნიკაციის სადოქტორო პროგრამის დოქტორანტ გიორგი გოგოხიას დისერტაციის დაცვა თემაზე: „მედია და თანამედროვე საარჩევნო სისტემები“.
ნოემბერი 19, 2026
12:30 PM
CIU საერთაშორისო საგანმანათლებლო ფორუმზე - „Going Global 2026“
17-19 ნოემბერს, British Council-ის ორგანიზებით, სტამბოლში საერთაშორისო საგანმანათლებლო ფორუმი - „Going Global 2026 - Future-ready tertiary education“ - გაიმართა, სადაც უნივერსიტეტის რექტორმა კახაბერ კორძაიამ და ვიცე-რექტორმა თამარ ინასარიძემ მიიღეს მონაწილეობა.






