CIU-ში რობოტული ქირურგიის სიმულაციური ტრენინგი ჩატარდა

🔸 23-25 ოქტომბერს კავკასიის საერთაშორისო უნივერსიტეტში Medibridge Global-ის ორგანიზებითა და CIU-ს მხარდაჭერით, რობოტული ქირურგიის სიმულაციური ტრენინგი ჩატარდა.

🔸 ტრენინგს პროფესორი ოთარ კეპულაძე უძღვებოდა - მინიმალურად ინვაზიური და რობოტული ქირურგიის მიმართულების წამყვანი სპეციალისტი.

🔸 პროგრამა თანამედროვე რობოტული ქირურგიის ტექნოლოგიების პრაქტიკულ და სიმულაციურ სწავლებაზე იყო ორიენტირებული. მონაწილეებს შესაძლებლობა ჰქონდათ, გაცნობოდნენ უახლეს ქირურგიულ აპარატურას და მიეღოთ მასთან მუშაობის პრაქტიკული გამოცდილება.

🔸 რობოტული ქირურგიის მიმართულებით მსგავსი სასწავლო პროგრამები მნიშვნელოვანია თანამედროვე სამედიცინო ტექნოლოგიების გაცნობისა და მათი პრაქტიკული გამოყენების შესაძლებლობების შესწავლისთვის. სიმულაციური სწავლება მონაწილეებს საშუალებას აძლევს, სპეციალიზებულ გარემოში გაეცნონ ქირურგიული ტექნოლოგიების გამოყენების თავისებურებებს.

🔸 ტრენინგის დასრულების შემდეგ ღონისძიების მონაწილეებს სერტიფიკატები გადაეცათ.