გამომცემლობა „პალიტრა L“-ის წიგნების გამოფენა-გაყიდვა

20 ოქტომბერს, კავკასიის საერთაშორისო უნივერსიტეტის ბიბლიოთეკის ორგანიზებით, უნივერსიტეტის ფოიეში გამომცემლობა „პალიტრა L“-ის წიგნების გამოფენა-გაყიდვა გაიმართა. შესაბამის სივრცეში სტუდენტებსა თუ ადმისტრაციულ/აკადემიურ პერსონალს მრავალფეროვანი ლიტერატურის გაცნობის შესაძლებლობა მიეცათ.

გამოფენაზე წარმოდგენილი იყო როგორც მხატვრული ლიტერატურა, ისე თანამედროვე ქართული და უცხოური ბესტსელერები. დამთვალიერებლებს შეეძლოთ გაცნობოდნენ „ლურჯი ოკეანის“ სერიის წიგნებს, რომლებიც თვითგანვითარებას, პიროვნულ ზრდას, მოტივაციასა და ბიზნესს ეძღვნება. ამასთანავე, Young Adult ასაკობრივი კატეგორიის მკითხველებისთვის გამოყოფილი იყო „გზაჯვარედინის“ სერიის პოპულარული გამოცემები.

ღონისძიების ფარგლებში ვიზიტორებს შესაძლებლობა ჰქონდათ, სასურველი წიგნები ექსკლუზიური ფასდაკლებით შეეძინათ.