CIU-ში ელსა თბილისის საინფორმაციო შეხვედრა გაიმართა

6 ოქტომბერს კავკასიის საერთაშორისო უნივერსიტეტში ევროპის იურისტ სტუდენტთა ასოციაცია თბილისის (ELSA თბილისი) საინფორმაციო შეხვედრა გაიმართა.

შეხვედრის ფარგლებში ელსა თბილისის წარმომადგენლებმა სტუდენტებს გააცნეს ინფორმაცია ასოციაციის სტრუქტურის, საქმიანობის მიმართულებების, პროექტებისა და იმ მრავალფეროვანი შესაძლებლობების შესახებ, რომლებსაც ასოციაციის წევრობა ითვალისწინებს.

სტუდენტებმა ასევე მიიღეს ინფორმაცია ადგილობრივ დონეზე დაგეგმილი პროექტებისა და ინიციატივების, საერთაშორისო სტაჟირების პროგრამების, ელსას დელეგაციებისა და საერთაშორისო სამართლის სკოლების შესახებ.

შეხვედრის მონაწილეებს შესაძლებლობა ჰქონდათ, გამარტივებული წესით გაწევრიანებულიყვნენ ასოციაციაში და ჩართულიყვნენ ელსა თბილისის საქმიანობაში.