აპრილი 11, 2025
05:39 PMტელე-რადიოჟურნალისტიკის ვორქშოპი მოსწავლეებისთვის / ნაკადი 2
10 აპრილს კავკასიის საერთაშორისო უნივერსიტეტმა მოსწავლეთათვის ტელე-რადიოჟურნალისტიკის ვორქშოპს უმასპინძლა. ღონისძიება უნივერსიტეტის სასკოლო-საგანმანათლებლო პროექტების ფარგლებში ჩატარდა და მიზნად მედიის სფეროს პრაქტიკული გამოცდილების გაზიარებას ისახავდა.
ვორქშოპის მონაწილეებს რადიომაუწყებლობის სპეციფიკა CIU-ს მულტიმედია ცენტრის კორესპონდენტმა და რადიოწამყვანმა სოსო გაზდელიანმა გააცნო. მოსწავლეებმა რადიოსტუდიაში საკუთარი ხმა ჩაწერეს და აუდიომასალა თანამედროვე პლატფორმებისთვის მოამზადეს. ისინი, ასევე, გაეცნენ ტელეეთერისთვის ახალი ამბების მომზადების პრინციპებსა და ტექსტზე მუშაობის ტექნიკას. მოსწავლეებს, ასევე, შესაძლებლობა ჰქონდათ, კამერის წინ საკუთარი უნარები პრაქტიკაში გამოეცადათ, რაშიც მათ მულტიმედია ცენტრის ტექნიკური დირექტორი ლუკა მებურიშვილი დაეხმარა.
პროექტი CIU-ს საზოგადოებასთან ურთიერთობის სამსახურის სასკოლო-საგანმანათლებლო პროექტების კოორდინატორ მარინე უგულავას ხელმძღვანელობით განხორციელდა.
ცნობისთვის, კავკასიის საერთაშორისო უნივერსიტეტი მოსწავლეთათვის სხვადასხვა საგანმანათლებლო პროექტის განხორციელებას სისტემატურად უწყობს ხელს, რაც პროფესიული ორიენტაციის მხარდაჭერასა და ახალგაზრდების ცნობიერების ამაღლებას ისახავს მიზნად.
სხვა სიახლეები
- დეკემბერი 12, 202512:45 PM
ლექცია თემაზე: „მეწარმეობა - ბიზნესის პერსპექტივა“
12 დეკემბერს, კავკასიის საერთაშორისო უნივერსიტეტის (CIU) მევენახეობა-მეღვინეობის კორპუსში, გაიმართა ლექცია თემაზე: „მეწარმეობა-ბიზნესის პერსპექტივა“, რომელსაც „ეფეს საქართველოს“ კორპორაციულ საქმეთა დირექტორი ნიკოლოზ ხუნძაკიშვილი უძღვებოდა. - დეკემბერი 12, 202511:30 AM
საერთაშორისო სამეცნიერო კონფერენცია: „აგროეკოლოგიური და კლიმატგონივრული რეპორტინგი და კომუნიკაცია“
კავკასიის საერთაშორისო უნივერსიტეტმა (CIU) და ჟურნალისტიკის რესურსცენტრმა (JRC) შვეიცარიის განვითარებისა და თანამშრომლობის სააგენტოს მხარდაჭერით, 10-11 დეკემბერს, უმასპინძლეს საერთაშორისო სამეცნიერო კონფერენციას „აგროეკოლოგიური და კლიმატგონივრული რეპორტინგი და კომუნიკაცია“. აღნიშნული ღონისძიება წარმოადგენს სამხრეთ კავკასიაში პირველ აკადემიურ და ანალიტიკურ პლატფორმას, რომელიც მიეძღვნა კლიმატგონივრული ჟურნალისტიკის, აგროკომუნიკაციისა და რეგიონული მედია-უნივერსიტეტების თანამშრომლობის გაძლიერებას. - დეკემბერი 11, 202501:00 PM
AI Startup Winter 2025-2026
კავკასიის საერთაშორისო უნივერსიტეტის ბიზნესისა და ტექნოლოგიების ფაკულტეტზე იგეგმება ახალი, ინოვაციური ღონისძიება „AI Startup Winter 2025-2026“, რომელიც მიზნად ისახავს სტუდენტებისთვის ხელოვნური ინტელექტის ტექნოლოგიების პრაქტიკულ გაცნობას და AI-ზე დაფუძნებული სტარტაპ იდეების შექმნა-განვითარებას.