მაისი 01, 2025
02:22 PMშეხვედრა პოეტ ტარიელ ხარხელაურთან
30 აპრილს, კავკასიის საერთაშორისო უნივერსიტეტის ნიკო ნიკოლაძის სახელობის საკონფერენციო დარბაზში, უნივერსიტეტის ბიბლიოთეკის ორგანიზებით გაიმართა შეხვედრა პოეტ ტარიელ ხარხელაურთან.
ღონისძიებაზე პოეტმა ცხოვრების განვლილ გზაზე ისაუბრა და საზოგადოებას თავისი შემოქმედებიდან რამდენიმე ლექცი წაუკითხა.
შეხვედრა CIU-ს ბიბლიოთეკის ხელმძღვანელმა თამარ ქავთარაძემ გახსნა, შეხვედრის მოდერატორი კი რექტორის მრჩეველი გიორგი ფარეშიშვილი გახლდათ. დასასრულს სტუმარსა და დამსწრე აუდიტორიას მიესალმა კავკასიის საერთაშორისო უნივერსიტეტის რექტორი კახაბერ კორძაია.
ღონისძიება ბიბლიოთეკართა დღეს მიეძღვნა და მას საქართველოს სხვადასხვა უნივერსიტეტის ბიბლიოთეკის ხელმძღვანელები ესწრებოდნენ. სტუმრებს შესაძლებლობა ჰქონდათ დაეთვალიერებინათ კავკასიის საერთაშორისო უნივერსიტეტის ინფრასტრუქტურა და ემსჯელათ საბიბლიოთეკო სფეროს განვითარების პერსპექტივებზე.
შეხვედრაზე, ბიბლიოთეკის ხელმძღვანელის მიერ, სტუმრებს კავკასიის საერთაშორისო უნივერსიტეტის სახელით ბრენდირებული საჩუქრები გადაეცათ.
ცნობისთვის, მიმდინარე წელი ტარიელ ხარხელაურის 80 წლის საიუბილეო წელია. აღნიშნულ თარიღთან დაკავშირებით, უნივერსიტეტის ხელმძღვანელობამ პოეტს სიმბოლურად ხევსურული ჟილეტი გადასცა საჩუქრად.
სხვა სიახლეები
- ივნისი 19, 202612:00 PM
სტუმრად ბირთვული/რადიაციული უსაფრთხოების სააგენტოს ლაბორატორიებში
ბირთვული და რადიაციული უსაფრთხოების სააგენტოს ორგანიზებით, კავკასიის საერთაშორისო უნივერსიტეტის სტუდენტები, პროფესორები და ადმინისტრაციის წარმომადგენლები სააგენტოს ლაბორატორიის მუშაობასა და ტექნიკურ აღჭურვილობას გაეცნენ. შემეცნებით ტურს ბირთვული და რადიაციული უსაფრთხოების სააგენტოს თანამშრომლები უძღვებოდნენ. - ივნისი 18, 202602:00 PM
სტუმრად პირველ ქვეით ბრიგადასა და ეროვნულ თავდაცვის აკადემიაში
კავკასიის საერთაშორისო უნივერსიტეტის სოციალურ და ჰუმანიტარულ მეცნიერებათა და სამართლის ფაკულტეტების სტუდენტები, ფაკულტეტების ადმინისტრაციასა და პროგრამის ხელმძღვანელებთან ერთად, შემეცნებითი ვიზიტით ქალაქ გორს ეწვივნენ. უნივერსიტეტის წარმომადგენლებმა საქართველოს თავდაცვის ძალების აღმოსავლეთის სარდლობის პირველი ქვეითი ბრიგადის ბაზა და დავით აღმაშენებლის სახელობის ეროვნული თავდაცვის აკადემია მოინახულეს. - ივნისი 18, 202610:00 AM
გიორგი ფარეშიშვილი ლუქსემბურგში პარლამენტარიზმის კვლევების კონფერენციაზე
4-6 ივნისს, ლუქსემბურგში პარლამენტარიზმის კვლევების მეხუთე გლობალური კონფერენცია გაიმართა. საერთაშორისო მასშტაბის სამეცნიერო ფორუმს ევროპის პარლამენტმა უმასპინძლა, ხოლო ღონისძიების ორგანიზატორი ლუქსემბურგის უნივერსიტეტი გახლდათ. კონფერენციაში მონაწილეობას იღებდნენ წამყვანი მკვლევრები და მეცნიერები მსოფლიოს ყველა კონტინენტიდან.