რექტორის მრჩეველ გიორგი ფარეშიშვილის ვიზიტი სტამბოლში

12 მაისს, კავკასიის საერთაშორისო უნივერსიტეტის რექტორის მრჩეველი, ასოცირებული პროფესორი გიორგი ფარეშიშვილი სამუშაო ვიზიტით თურქეთში იმყოფებოდა. ქალაქ სტამბოლში მან საქმიანი შეხვედრა გამართა „მემორიალის“ კლინიკების ქსელის საერთაშორისო ურთიერთობებისა და ბიზნესის განვითარების მენეჯერთან, საქართველოს გუნდის ხელმძღვანელ ქეთევან მალაყმაძესთან და ბიზნესის განვითარების სუპერვაიზორ სოფიო ბედინაძესთან.

შეხვედრაზე მხარეებმა ორ ორგანიზაციას შორის უკვე არსებული მემორანდუმის ფარგლებში მიმდინარე პროექტები შეაჯამეს და სამომავლო თანამშრომლობის პერსპექტივებზე იმსჯელეს. პარტნიორობის გაღრმავების მიზნით, მათ დასახეს მნიშვნელოვანი აქტივობები, რომლებიც ეტაპობრივად განხორციელდება.

სამუშაო შეხვედრისას მხარეები კონკრეტულ ნაბიჯებზეც შეთანხმდნენ. კერძოდ, მიმდინარე წლის შემოდგომაზე იგეგმება მედიცინის სფეროსადმი მიძღვნილი საერთაშორისო სტუდენტური კონფერენციის მოწყობა. გარდა ამისა, უნივერსიტეტის სტუდენტებისა და პროფესორებისთვის „მემორიალის“ წამყვანი სპეციალისტები თურქეთში სპეციალურ მასტერკლასებს ჩაატარებენ.