მემორანდუმი ჩაკლოვას საგანმანათლებლო ცენტრთან

29 ივნისს, კავკასიის საერთაშორისო უნივერსიტეტსა და ჩაკლოვას საგანმანათლებლო ცენტრს შორის ურთიერთთანამშრომლობის მემორანდუმი გაფორმდა. აღნიშნული შეთანხმება მნიშვნელოვან საფუძველს უყრის სტუდენტებისთვის პრაქტიკული გამოცდილების გაზიარებასა და ახალი საგანმანათლებლო შესაძლებლობების შექმნას.

პარტნიორობის ფარგლებში, სოციალურ და ჰუმანიტარულ მეცნიერებათა ფაკულტეტის სტუდენტებს შესაძლებლობა ექნებათ განივითარონ პროფესიული/პრაქტიკული უნარ-ჩვევები და გაიარონ სტუდენტური პრაქტიკა უშუალოდ ჩაკლოვას საგანმანათლებლო ცენტრში. ამასთანავე, თანამშრომლობა ითვალისწინებს ერთობლივი კვლევების წარმოებასა და სხვადასხვა სასწავლო-საგანმანათლებლო პროექტის განხორციელებას.

დოკუმენტს ხელი კავკასიის საერთაშორისო უნივერსიტეტის რექტორმა, კახაბერ კორძაიამ და ჩაკლოვას საგანმანათლებლო ცენტრის დამფუძნებელმა, ლიანა ჩაკლოვამ მოაწერეს.

ხელმოწერის ოფიციალურ ცერემონიალს ასევე ესწრებოდნენ კავკასიის საერთაშორისო უნივერსიტეტის სოციალურ და ჰუმანიტარულ მეცნიერებათა ფაკულტეტის დეკანი ეკატერინე ჭალაგანიძე და ინგლისური ენისა და ლიტერატურის საბაკალავრო პროგრამის ხელმძღვანელი ნანა პარინოსი.