გიორგი ფარეშიშვილის ვიზიტი ვარშავაში

6-7 ნოემბერს, პოლონეთის ქალაქ ვარშავაში, კარდინალ სტეფან ვიშინსკის უნივერსიტეტის პოლიტიკური მეცნიერებებისა და საჯარო ადმინისტრირების ინსტიტუტმა უმასპინძლა რელიგიის პოლიტიკური მეცნიერების მე-5 საერთაშორისო კონფერენციას თემაზე: „ძალაუფლების ბოროტად გამოყენების წინააღმდეგ უზენაესი გარანტი? კითხვა ღმერთთან და პოლიტიკის არსებობა“, რომელიც პაპ იოანე პავლე II-ის ხსოვნას მიეძღვნა.

კონფერენციაზე, კავკასიის საერთაშორისო უნივერსიტეტის მხარდაჭერით, მოხსენებით წარდგა პოლიტიკის მეცნიერების დოქტორი, კავკასიის საერთაშორისო უნივერსიტეტის რექტორის მრჩეველი, ასოცირებული პროფესორი - გიორგი ფარეშიშვილი.

მის გამოსვლას ესწრებოდა პაპ იოანე პავლე II-ის ბიოგრაფი, ცნობილი ამერიკელი ნეოკონსერვატორი და პოლიტიკის ანალიტიკოსი, პროფესორი ჯორჯ ვეიგელი (Professor George Weigel), რომელმაც მაღალი შეფასება მისცა გიორგი ფარეშიშვილის მოხსენებას და გამოთქვა სურვილი სამომავლო თანამშრომლობის შესახებ.

კონფერენციის ორგანიზატორები იყვნენ: Collegium Interethnicum (Poland), Ave Maria School of Law (Naples, Florida, USA) და Cardinal Stefan Wyszyński University in Warsaw.

ღონისძიებას მხარს უჭერდნენ: University of Warsaw, University of Opole, University of Zielona Góra, International Catholic Jurist Forum და Catholic Association "Civitas Christiana" (Poland).
წლევანდელ კონფერენციაში მონაწილეობა მიიღეს მეცნიერებმა მსოფლიოს 30-მდე ქვეყნიდან. ღონისძიება ტრადიციულად ორ წელიწადში ერთხელ ტარდება.