გაცვლითი პროგრამა ალკალას უნივერსიტეტში (მადრიდი, ესპანეთი)

2020-2021 წლის გაზაფხულის სემესტრისთვის კავკასიის საერთაშორისო უნივერსიტეტის პარტნიორი ალკალას უნივერსიტეტი (ესპანეთი) აცხადებს სტუდენტების მიღებას სემესტრულ გაცვლით პროგრამაზე.

პროგრამაში მონაწილეობა შეუძლიათ:

ბიზნესის ფაკულტეტის სტუდენტებს.

აკადემიური მობილობის ფარგლებში, უნივერსიტეტებს შორის არსებული მემორანდუმის საფუძველზე გავლილი კურსებისა და კრედიტქულების აღიარება მოხდება.

სწავლის ხანგრძლივობა - 1 სემესტრი.

1 საკონკურსო ადგილი

განაცხადების მიღება:

სააპლიკაციო დოკუმენტები (pdf ფორმატით) მიიღება შემდეგ ელექტრონულ მისამართზე: ird@ciu.edu.ge. აპლიკანტებმა სათაურის ველში უნდა მიუთითონ „ალკალას უნივერსიტეტი“.

სააპლიკაციო დოკუმენტების წარდგენის ბოლო ვადა: 23 ნოემბერი, 2020 წელი.

სააპლიკაციო დოკუმენტები:

1. პირადობის დამადასტურებელი საბუთის ასლი;
2. ცნობა სტუდენტის სტატუსის შესახებ (ინგლისურ ენაზე);
3. ნიშნების ფურცელი (ინგლისურ ენაზე);
4. სამოტივაციო წერილი (ინგლისურ ენაზე);
5. CV (ინგლისურ ენაზე).

დამატებითი ინფორმაციისთვის მიმართეთ კავკასიის საერთაშორისო უნივერსიტეტის საერთაშორისო ურთიერთობების დეპარტამენტს (507-ე ოთახი), ird@ciu.edu.ge, +995 32 261 12 98 (შიდა 109).