FCE სასერტიფიკატო გამოცდისთვის მოსამზადებელი კურსი

კავკასიის საერთაშორისო უნივერსიტეტში კემბრიჯის FCE (The First Certificate in English) სასერტიფიკატო გამოცდისთვის მოსამზადებელ კურსს სტუდენტების მესამე ნაკადი გადის. კურსის ღირებულებას თავად უნივერსიტეტი ფარავს და სტუდენტებისთვის სწავლა უფასოა.

FCE ინგლისურ ენაში კემბრიჯის უნივერსიტეტის გამოცდაა, რომლის სერტიფიკატი მსოფლიო მასშტაბით მრავალ უნივერსიტეტში ბიზნესისა და მენეჯმენტის სფეროშია აღიარებული.

გამოცდისთვის მოსამზადებელი კურსი, ტესტის სპეციფიკიდან გამომდინარე, სტუდენტებს ხუთივე აუცილებელ საგამოცდო ნაწილში - კითხვა, წერა, საუბარი, მოსმენა და ლაპარაკი - ამზადებს, ასევე საგამოცდოდ საჭირო ტექნიკასა და სტრატეგიას აცნობს.

FCE სასერტიფიკატო გამოცდისთვის მოსამზადებელი კურსის აუცილებელი პირობაა, რომ სტუდენტი საწყის ეტაპზე Upper Intermediate დონეს აკმაყოფილებდეს.

კურსის ორგანიზატორები კსუ-ს კარიერის განვითარებისა და ენების ცენტრები არიან.