CIU-ს სტუდენტი გაცვლითი პროგრამით პოლონეთში

კავკასიის საერთაშორისო უნივერსიტეტის სოციალურ და ჰუმანიტარულ მეცნიერებათა ფაკულტეტის გლობალური პოლიტიკისა და უსაფრთხოების კვლევების ინგლისურენოვანი სამაგისტრო საგანმანათლებლო პროგრამის სტუდენტი - ანდრანიკ ოგანისიანი ერთი სემესტრით გაცვლითი პროგრამის ფარგლებში სწავლას აგრძელებს იაგელონიის უნივერსიტეტში (კრაკოვი, პოლონეთი).

გაცვლითი პროგრამა სტუდენტს შესაძლებლობას აძლევს მიიღოს საერთაშორისო აკადემიური გამოცდილება, გაიღრმავოს ცოდნა გლობალური პოლიტიკისა და უსაფრთხოების მიმართულებით, ასევე განივითაროს პროფესიული და კულტურული უნარები მრავალფეროვან საერთაშორისო გარემოში.

გაცვლითი პროგრამის ფარგლებში ანდრანიკ ოგანისიანმა 9 სასწავლო კურსი შეარჩია, რაც მისი პროფესიული განვითარებისკენ არის მიმართული. ამასთან, ის აქტიურად მონაწილეობს სამეცნიერო საქმიანობაში. აკადემიური პროცესის პარალელურად, სტუდენტი კულტურულ აქტივობებშიც არის ჩართული, რაც მის საერთაშორისო გამოცდილებას კიდევ უფრო ამდიდრებს.

კავკასიის საერთაშორისო უნივერსიტეტი წარმატებებს უსურვებს ანდრანიკ ოგანისიანს მის პროფესიულ საქმიანობაში.