უეფას ფუტსალის ჩემპიონთა ლიგაზე კსუ-ს მეტოქეები გაირკვა

CIU-ს ფუტსალის გუნდი ევროპის ყველაზე პრესტიჟული საკლუბო ტურნირისთვის ემზადება!

უეფას ფუტსალის ჩემპიონთა ლიგის 2026/27 წლების სეზონის წილისყრის შედეგად კავკასიის საერთაშორისო უნივერსიტეტის ფუტსალის გუნდი C ჯგუფში იასპარეზებს. წილისყრა 8 ივლისს, შვეიცარიის ქალაქ ნიონში გაიმართა.

C ჯგუფი:

"კსუ" (საქართველო)

„ბუბა მარა“ (ბოსნია-ჰერცეგოვინა)

„უტლეირა“ (ნორვეგია)

„ლინქსი“ (გიბრალტარი)

უეფას ჩემპიონთა ლიგაზე 32 კლუბი რვა ოთხგუნდიან ჯგუფშია განაწილებული, თითოეული ჯგუფიდან კი ტურნირის მთავარ ეტაპზე ერთი გუნდი გააგრძელებს ასპარეზობას. 

CIU-ს ფუტსალის გუნდი ჯგუფური ეტაპის შეხვედრებს 25-30 აგვისტოს გამართავს, რომელსაც ბოსნია-ჰერცეგოვინა უმასპინძლებს.

შეგახსენებთ, რომ კავკასიის საერთაშორისო უნივერსიტეტის ფუტსალის გუნდი ჩემპიონთა ლიგაზე მესამედ იასპარეზებს.