CIU-მ Budapest Metropolitan University-თან თანამშრომლობის მემორანდუმი გააფორმა

კავკასიის საერთაშორისო უნივერსიტეტსა და Budapest Metropolitan University-ს შორის თანამშრომლობის მემორანდუმი გაფორმდა, რომელიც მხარეებს შორის აკადემიური და საერთაშორისო თანამშრომლობის გაღრმავებას ისახავს მიზნად.

მემორანდუმი ითვალისწინებს სტუდენტებისა და აკადემიური პერსონალის გაცვლითი პროგრამების განხორციელებას, ერთობლივი საგანმანათლებლო და სამეცნიერო ინიციატივების მხარდაჭერას, ასევე საერთაშორისო გამოცდილებისა და საუკეთესო პრაქტიკის გაზიარებას.

სამუშაო შეხვედრაზე კავკასიის საერთაშორისო უნივერსიტეტს წარმოადგენდნენ ვიცე-რექტორი, აკადემიური პროცესის მართვის სამსახურის უფროსი თამარ ინასარიძე და სოციალურ და ჰუმანიტარულ მეცნიერებათა ფაკულტეტის დეკანი ეკატერინე ჭალაგანიძე, რომლებმაც პარტნიორ უნივერსიტეტთან თანამშრომლობის სამომავლო მიმართულებები განიხილეს.

აღნიშნული თანამშრომლობა მნიშვნელოვნად შეუწყობს ხელს ორივე უნივერსიტეტის ინტერნაციონალიზაციის პროცესს, სტუდენტებისა და აკადემიური პერსონალისთვის ახალი საერთაშორისო შესაძლებლობების შექმნასა და პარტნიორული ურთიერთობების კიდევ უფრო გაღრმავებას.