ასმათ წერეთლის სადისერტაციო ნაშრომის დაცვა

8 დეკემბერს კავკასიის საერთაშორისო უნივერსიტეტის მულტიმედია ცენტრის ახალ სივრცეში (CIU პანორამა) გაიმართა მასობრივი კომუნიკაციის სადოქტორო პროგრამის დოქტორანტ ასმათ წერეთლის სადისერტაციო ნაშრომის დაცვა თემაზე: „კულტურის საკითხების გაშუქების მოდელები ქართულსა და ამერიკულ ბეჭდურ მედიაში (ჟურნალები -„თეატრი“, „არილი“, „Art in America“, „ARTFORUM“-2019- 2023 წლები)”.

ნაშრომის სამეცნიერო ხელმძღვანელია სოციალურ მეცნიერებათა დოქტორი, კავკასიის საერთაშორისო  უნივერსიტეტის ასოცირებული პროფესორი ეკა თხილავა, ოფიციალური რეცენზენტები კი - ფილოლოგიის დოქტორი, კავკასიის საერთაშორისო უნივერსიტეტის ასოცირებული პროფესორი ნინო მინდიაშვილი და მასობრივი კომუნიკაციის დოქტორი, შოთა რუსთაველის სახელობის ბათუმის სახელმწიფო უნივერსიტეტის პროფესორი ინგა შამილიშვილი.

ნაშრომის წარდგენისა და შესაბამისი პროცედურების გავლის შემდეგ, სადისერტაციო საბჭოს გადაწყვეტილებით, ასმათ წერეთელს მასობრივი კომუნიკაციის დოქტორის აკადემიური ხარისხი მიენიჭა.