კავკასიის საერთაშორისო უნივერსიტეტი რობოტული ქირურგიის სიმულაციურ ტრენინგს უმასპინძლებს!

Medibridge Global-ის ორგანიზებითა და CIU-ს მხარდაჭერით, 23, 24 და 25 ოქტომბერს კავკასიის საერთაშორისო უნივერსიტეტში გაიმართება ინოვაციური რობოტული ქირურგიის სიმულაციური ტრენინგი.

პროგრამა ორიენტირებულია თანამედროვე რობოტული ქირურგიის ტექნოლოგიების პრაქტიკულ და სიმულაციურ სწავლებაზე. მონაწილეებს ეძლევათ უნიკალური შესაძლებლობა, მიიღონ უახლეს ქირურგიულ აპარატურასთან მუშაობის რეალური გამოცდილება.

ტრენინგს გაუძღვება პროფესორი ოთარ კეპულაძე - მინიმალურად ინვაზიური და რობოტული ქირურგიის მიმართულების წამყვანი სპეციალისტი.