დასაქმების ფორუმი 2026

კავკასიის საერთაშორისო უნივერსიტეტის უწყვეტი განათლებისა და კარიერული განვითარების სამსახურის ორგანიზებით, 9 ნოემბერს, 11:00-დან 15:00 საათამდე, გაიმართება მასშტაბური დასაქმების ფორუმი.

ღონისძიება უნიკალური პლატფორმაა სტუდენტებისა და კურსდამთავრებულებისთვის, ისინი უშუალოდ შეხვდებიან მცირე, საშუალო და მსხვილი ბიზნესკომპანიებისა თუ სახელმწიფო უწყებების წარმომადგენლებს.

ფორუმის ფარგლებში სტუდენტებსა და კურსდამთავრებულებს შესაძლებლობა ექნებათ:

• დაამყარონ პირდაპირი კონტაქტი დამსაქმებლებთან;
• გაეცნონ მიმდინარე ვაკანსიებს, სტაჟირების პროგრამებსა და კარიერული ზრდის შესაძლებლობებს;
• მიიღონ ინდივიდუალური კონსულტაცია კარიერის დაგეგმვასა და პროფესიულ განვითარებაზე.

კავკასიის საერთაშორისო უნივერსიტეტი ტრადიციულად უზრუნველყოფს სტუდენტების პროფესიულ მხარდაჭერასა და შრომის ბაზარზე მათ წარმატებულ ინტეგრაციას.

გადადგით ნაბიჯი წარმატებული კარიერისკენ - შეხვდით თქვენს მომავალ დამსაქმებელს CIU-ში!

დამატებითი კითხვების შემთხვევაში, დაუკავშირდით: CIU-ს უწყვეტი განათლებისა და კარიერული განვითარების სამსახურის ხელმძღვანელს, გურამ ლილუაშვილს 557-783-930