პროგრამის მოცულობა 300 კრედიტი, სწავლის ხანგრძლივობა 5 წელი, 10 სემესტრი.

პროგრამა შედგება საუნივერსიტეტო სავალდებულო, საბაზისო სავალდებულო, კლინიკური სავალდებულო, კლინიკური უნარების სავალდებულო, სამეცნიერო კვლევის უნარების სავალდებულო, საუნივერსიტეტო არჩევითი და სპეციალობის არჩევითი მოდულებისგან.

მისანიჭებელი კვალიფიკაცია - დიპლომირებული სტომატოლოგი.
პროგრამის ხელმძღვანელი, მედიცინის ფაკულტეტის აფილირებული ასოცირებული პროფესორი, ლელა წიტაიშვილი;

პროგრამის განხორციელება დაიწყო 2013-2014 სასწავლო წელს, მედიცინის ფაკულტეტზე.

პროგრამის მოცულობა 180 კრედიტი, სწავლის ხანგრძლივობა 3 წელი, 6 სემესტრი.

პროგრამა შედგება საუნივერსიტეტო სავალდებულო და არჩევითი, საფაკულტეტო სავალდებულო და არჩევითი, სწავლის სფეროს სავალდებულო და არჩევითი, კონცენტრაციის (მენეჯმენტი/მარკეტინგი/ფინანსები/საბუღალტრო აღრიცხვა) და თავისუფალი სასწავლო კურსებისგან.

მისანიჭებელი კვალიფიკაცია - ბიზნესის ადმინისტრირების ბაკალავრი

პროგრამის სწავლის შედეგები შესაბამისობაშია უმაღლესი განათლების კვალიფიკაციის VI დონესთან, ბიზნესის ადმინისტრირების დარგობრივ მახასიათებელთან და მისანიჭებელ კვალიფიკაციასთან.

ნინო რუხაია-მოსემღვდლიშვილი - პროგრამის ხელმძღვანელი, ეკონომიკის დოქტორი

პროგრამის განხორციელება დაიწყო 2025-2026 სასწავლო წელს, ბიზნესისა და ტექნოლოგიების ფაკულტეტზე.

ბიზნესის ადმინისტრირების საბაკალავრო საგანმანათლებლო პროგრამაზე ჩარიცხვის წინაპირობა

პროგრამაზე ჩარიცხვის უფლება აქვთ სრული ზოგადი განათლების ატესტატის მქონე, საქართველოს მოქალაქეებს, ერთიანი ეროვნული გამოცდების შედეგების საფუძველზე

ინგლისურ ენაში მინიმუმ 50%-ზე მეტის მიღების შემთხვევაში.

ერთიანი ეროვნული გამოცდების გარეშე უნივერსიტეტში სტუდენტთა მიღება/ჩარიცხვა დასაშვებია საქართველოს კანონმდებლობით დადგენილი წესით (საქართველოს კანონი „უმაღლესი განათლების შესახებ“, მუხლი 52).

საბაკალავრო საგანმანათლებლო პროგრამაზე ჩარიცხვა, ან უცხო ქვეყნის აღიარებული უმაღლესი საგანმანათლებლო დაწესებულებიდან გადაყვანა, ხდება საქართველოს განათლებისა და მეცნიერების სამინისტროს გადაწყვეტილების/თანხმობის საფუძველზე.

უცხო ქვეყნის მოქალაქის პროგრამაში ჩარიცხვის წინაპირობაა B1 დონეზე ინგლისური ენის ცოდნის დამადასტურებელი სერტიფიკატის წარდგენა. წინააღმდეგ შემთხვევაში, პირმა უნდა გაიაროს ტესტირება კავკასიის საერთაშორისო უნივერსიტეტის ენის ცენტრში, რათა დაადასტუროს ინგლისური ენის ცოდნა B1 დონეზე.

მობილობის წესით საბაკალავრო საგანმანათლებლო პროგრამაზე ჩარიცხვა დასაშვებია სწავლის პირველი სასწავლო წლის დასრულების შემდეგ. მობილობა შესაძლებელია წელიწადში ორჯერ, საქართველოს განათლებისა და მეცნიერების სამინისტროს მიერ დადგენილ ვადებში, განათლების ხარისხის განვითარების ეროვნული ცენტრის დირექტორის აქტითა და უნივერსიტეტის მიერ დადგენილი წესით დამტკიცებული სავალდებულო პროცედურებისა და უნივერსიტეტის მიერ დადგენილი წესების დაცვით.

კავკასიის საერთაშორისო უნივერსიტეტის სტუდენტის სტატუსის მოპოვების შემდეგ პირი ვალდებულია უნივერსიტეტს წარუდგინოს სრული ზოგადი ან მასთან გათანაბრებული განათლების დამადასტურებელი დოკუმენტი, ხოლო კანონმდებლობით დადგენილი წესით სამხედრო აღრიცხვას დაქვემდებარებულმა პირმა -  სამხედრო აღრიცხვაზე ყოფნის დამადასტურებელი დოკუმენტი.

სავალდებულო საგნები:

• ქართული ენა და ლიტერატურა

• უცხოური ენა (ინგ.)

ერთ-ერთი სავალდებულო საგანი:

• მათემატიკა

• ისტორია