ტრენინგი - თვითშეფასებისა და თავდაჯერებულობის ოპტიმიზაცია

20, 21 და 22 დეკემბერს ეროვნულმა სამეცნიერო ბიბლიოთეკამ საქართველოს ბიბლიოთეკების ინტეგრირებული საინფორმაციო ქსელის კონსორციუმის წევრი ორგანიზაციების ბიბლიოთეკარებისთვის ჩაატარა ტრენინგი თემაზე: „თვითშეფასებისა და თავდაჯერებულობის ოპტიმიზაცია“.

ტრენინგს უძღვებოდნენ ტრენერები: ლალი ბადრიძე (ფსიქოლოგი და ქოუჩი) და ანი მაისურაძე (ფსიქოლოგი). ტრენინგი შემდეგ საკითხებს მოიცავდა:

• კომუნიკაციისა და მოსმენის უნარების ჩამოყალიბება;

• საკუთარი აზრის გამოხატვისა და კომპრომისული გადაწყვეტილების მიღების უნარი;

• სხვა ადამიანების გაგებისა და მიღების უნარის გაძლიერება;

• მიზნების დასახვა, მიღწევის სტრატეგიის ფორმირება და თვითშეფასების ოპტიმიზაცია;

• ემოციური ინტელექტის განვითარება, ემოციების და გრძნობების გაცნობა;

• მათი კონსტრუქციულად გამოხატვის უნარი;

• თვითშეფასების მნიშვნელობა;

• თვითშეფასების სახეები (კონფლიქტური და არაკონფლიქტური);

• თვითკონტროლის უნარის განვითარება, თვითშეფასების ოპტიმიზაცია;

• სტრესული სიტუაციებისას;

• თავდაჯერებულობის ჩამოყალიბება და განვითარება;

• თავდაჯერებულობის ამაღლება საკუთარი პიროვნების, შესაძლებლობებისა და პოტენციალის მიმართ.

აღნიშნულ ტრენინგს ესწრებოდნენ კავკასიის საერთაშორისო უნივერსიტეტის ბიბლიოთეკის ხელმძღვავანელი თამარ ქავთარაძე და ბიბლიოთეკარი სალომე ცეკვავა. მათ ტრენინგის ბოლოს შესაბამისი სერტიფიკატები მიიღეს.