სადოქტორო პროგრამის სტუდენტებისათვის სასწავლო შეხვედრა გაიმართა

5 მაისს, კავკასიის საერთაშორისო უნივერსიტეტის დოქტორანტურის სამსახურის ორგანიზებით, ბიბლიოთეკის ხელმძღვანელთან, თამარ ქავთარაძესთან სადოქტორო პროგრამის სტუდენტებისათვის სასწავლო შეხვედრა გაიმართა.

ონლაინ შეხვედრის ფარგლებში დოქტორანტებმა ბიბლიოთეკაში არსებული სამეცნიერო ბაზების შესახებ დეტალური ინფორმაცია მიიღეს.

მომხსენებელმა ყურადღება გაამახვილა ინფორმაციის მოძიების თანამედროვე მეთოდებზე და საძიებო სისტემების ოპტიმალურად გამოყენების შესაძლებლობებზე, ასევე სამეცნიერო მასალების შერჩევისა და ციტირების ძირითად პრინციპებზე.

შეხვედრა ინტერაქციული ფორმატით წარიმართა, სადაც მონაწილეებს საშუალება ჰქონდათ დაესვათ კითხვები, ასევე პრაქტიკულად ენახათ სხვადასხვა საძიებო სტრატეგიების გამოყენების შესაძლებლობები.
შეხვედრის დასასრულს, დოქტორანტურის სამსახურის უფროსმა ნინო მინდიაშვილმა, მადლობა გადაუხადა ბიბლიოთეკის ხელმძღვანელს დოქტორანტებისთვის მნიშვნელოვანი ინფორმაციის მიწოდებისათვის, ისაუბრა აკადემიური კეთილსინდისიერების დაცვის მნიშვნელობაზე და დოქტორანტებს წარმატებები უსურვა.